Tawhtang akizanglo “keyless car” te gukbaih mahmahzaw kici

Tawhtang akizanglo “keyless car” te gukbaih mahmahzaw kici

Britain, Birmingham khuasung aom innmai khatah mawtaw akikoihkhat guta minih te’n oltak in agukkhiat, ahawlkhiat laitak uh Video ki khahkhia hi. Tua mawtaw pen tawhtang akizanglo “keyless car” hi a, tuabangdan keyless car tepen Hi-tech Relay Box zangin gukbaih mahmah kici hi.

Hih mawtaw akiguk pen abeisa September 25 ni in Birmingham khuasung ah thupiang kici a, ahi zongin aki guklaitak Video Clip pen West Midlands Police te’n Sunday ni in YouTube ah khahkhiapan uhhi.

Tua akigu mawtaw pen atamman mahmah Mercedes-Benz te hi a, zanhun hita ahih manin innmai ah Parking akikoih ahihi.

CCTV Video sungah mawtaw khattawh guta mi 2 hongtung uh a, tua Mercedes-Benz pen Minute khatzong sawtlo in gutheiziau uh cihi.

Hih akigu mawtaw pen atamman mahmah Mercedes-Benz te ahih mahbangin tawhtang zong zangnawnlo in, Key Fob “Keychain” tawh Remote in akihong ziauziau te ahihi.

Tuapen guta te’n tellua mahmah uh ahih manin, Keychain akikoihna panin Signal angaihtheih nadingin Relay Box tawh innmai ah guta khatpa in neihphei in, Signal zongkawikawi hi.

Tualaitak in guta khatpa pen mawtaw gei ah Relay Box khatmahtawh nangak in, Signal na ngaksawn hi. Tua Mercedes-Benz ii Computer System in mawtaw ahonna Key Fob pen ageinai ah aomsa ahih manin, kongkhak oltak in hongtheiziau uhhi.

Video: Vulnerability exposed in keyless entry cars

Mawtaw aneipa in mawtaw ahonna Remote pen innmai kongkhak geinai ah koihkha ahih manin, Signal pen Relay Box tawh alasawnthei uh kici hi.

Tua Signal pen sik hileh pailet theilo a, ahi zongin Doors, Windows, Walls cihte pen pailetthei cimawk hi.

Tuabang in “transmitter relay” tawh mawtaw akiguktheih akitheih ciangin Police te’nzong mawtaw abawlkhia Mercedes-Benz Company te zasakpah uh cihi.

More: Guta khatin mawtaw agukleh asungah naupang kum 4 khattawh gukhawmkha

Vehicle security expert Thatcham Research te genkhiatna ah West Midlands Police teleh Car Makers te’n hihbangdan mailam ah aomnawnloh nadingin Security System ahoihzawding in hanciamding uh cihi. Tua guta minih tepen tudong ki mankhiazo nailo hi. Sawltak #zomidaily