Taiwan numei khat alupnasung buahbanglua mahmah ahih manin alawmpa tawh kikhenlawh

Taiwan gamsung ah nungak khatleh tangval khat ki ngai uhhi. Aki ngaihzawh uhpen kum 3 bang sawtkhinta a, ahi zongin tangvalpa pen khatveizong alawmnu lupnakhan inndeisung ah lutngeilo hi.

Ahi zongin kum 3 bang aki ngaihkhitzawh uhciangin khatvei alawmnu lupna inndei sungah lutkha zenzen a, buahbang luamahmah ahih manin tangvalpa pen lungkia mahmah cihi.

China Press te ii genkhiatna ah tua nungaknu pen alumna inndei sungah bombi sungteen “Underwear” khawngzong aninsa in kilawn zekzak a, numeite khasim nindalna “Sanitary Pads” khawngzong inndeisung ah phiahzekzak in kikoihgawp cihi.

Anik apuan leh avanneih teng avekin hoihtak akikoih mahmah omvetlo, lupna tungah honpikhat, leilak sualtung ah honpikhat cihbang in a utna peuhpeuh ah alotzawkgawp hihtuak hi.

Tangvalpa in Facebook Community Group sungahkhat agenkhiatna ah amahpen alawmnu tawh akingaih kum 3 bang sawtkhinta a, ahi zongin alawmnu te innah ahawh ciangin lengnakhan Living Room bekah hong omsakden cihi. Living Room ah TV khawng enin anu tawh kiho cihbang in omsak a, alupna inndei sungah alutding phalvetlo hi.

Khatvei alawmnu te innah ahawh laitak in alawmnu kisil laitak tawh kituak hi. Anu in puanpawlkhat alawmnu lupna inndei sungah akoihding in sawl a, amahzong khatveizong alut ngeinai vetloh alawmnu lupna inndei ahonleh atunga Photo danin aphiahzekzak in mukhia hi.

Inndei sungah themveizong ka omzokei ci’n amanlang in ka taikhiapah cihi.

Tuathuteng Facebook tungah agelhkhiat tengtawh alawmnu tawhzong asawtlo in kikhenta uhhi.

Facebook tungah pawlkhatin Comment pia in agelhna ah hihbang numei kicianlo khattawh naki teenkhakloh pen hampha mahmah teh. Anu in hong honkhia hi ci’n Comment kipiaksan hi.

Apualam ah avakkhiat ciangin akilimpuah selsal mahmah, anamtui vangbang tekhawngzong alupna inndei sungah namtui vangvang khollo theimai takmaw.

Related: Taiwan gamsung ah Tour Bus kibung, mi 32 sikhin, 12 liamgawp ~ ZD

Laisim te’n e, bang Comment pianuam? Anuai ah utbangbang suaktatak in Comment napiasuk ziahziah vouleh 🙂 ZD Sawltak #zomidaily