Tuni Saturday zingsanglam in Taiwan gamsung ah 6.4 Magnitude thahatna tawh zinling ahih manin, innsang mahmahnih kipuk a, asung ah mi pawlkhat awkcik cih Fox News pan kiza hi. Hihthu akizak ciangin anungtalai te ahonkhia dingin meiphelh Firefighters te nawhtai mahmah uhhi.
Firefighters te’n amun ah kahlei, Crane leh adang vanzak tuamtuam tetawh anungtalai te honkhia dingin buaimahmah uh cih TV Broadcasters pan ki muthei hi. Hih innsangpi sungah mi bangzah taktak omding cihpen ki theicianlo a, ahi zongin ABCNews te genkhiatna ah anungta in mi 160 ki honkhiakhin cih kiza hi.
Central News Agency te genkhiatna ahbel mi 200 peuhmah asungah omding in ummawh uhhi.
Taiwan News website ET te pulakna ah inn akipuk pen nih hi a, tui leh Gas Pipe Line tengzong kisiacip cihi. Khuasung pen Emergency mawtaw gingtawh kuziahziah a, mipi te ki patau mahmah hi.
U.S. Geological Survey te genkhiatna ah hih zinling pen zingsang 4am Local Time in akipan cihi.
Taiwan khuapi Taipei City lambel bangmah cilo bilbel cihthu kiza hi. ZD Sawltak #zomidaily
Comment piaknop aomleh...