Taiwan ah zin khatvei lingkik, amasa asi mi 9 phatota, amangcip mi 62

Taiwan ah zin khatvei lingkik, amasa asi mi 9 phatota, amangcip mi 62

Taiwan gam, Hualien City sungah Magnitude 5.7 thahatna tawh zin khatvei lingkik leuleu cih SCMP pan kiza hi. Tua anihveina zinling “Earthquake” pen Wednesday nitaklam 11:21pm hunpawl in alingkik hi a, amasa pen zinling khitzawh nikhat “nai 24” cingdek ciangin alingkik ahihi.

Wednesday nitaklam 11:21pm hunin zinlingkik penzong amasa Tuesday ni ii anawkna Hualien City sungtengmah ahihi.

Hih anihveina zinlinhun laitak in Hualien City sungah kumpi thunei leh Rescue Team te’n amasa zinling ii anawkkhak cimawh dongtuak leh mimangcip te azonsan laitak in alingbehkik ahihi.

Video: Aftershocks rattle Taiwan as quake toll rises to nine, 62 missing

Hualien City sungah zinling masa hangin asi pen mi 9 ah ki behlapto cihzong kizakbeh hi. Tuesday ni zinling masa hangin inngolpi Building 4 kicim, tuksuk in, akigawm in mi 62 bang mangthangciplai, kimu khiazonailo hi ci’n thunei te’n genkhia uhhi.

Amangcip, aki mukhiazo nailote pen inndawl 12 Storey sungah ateeng te atamzaw amangcip uh ahihi. Tuapen Residential Building hizaw in, zinling hangin akicip ciangin leilak ah 45-degreee Angle in omlenglang hi. Innsung ah vanzat Furniture khempeuh kilawnkhia in, Apartment sungtengzong siazangawp cihi.

Taiwan gamsung ah zinling, mi 2 si in 219 liam, adangzong 150 mangcip

Taiwan gamsung Hualien City sungah tuni Wednesday in zinlinggawp a, tuciangciang mi 2 in sihlawhkhin in, adangzong aki mukhiazo nailo, amangcip mi 150 bang pha cih Reuters pan kiza hi. Hih zinlingna munpen khualzinmi atamphadiakna Taiwanese Tourist City sungah aling ahihi.

Zinling akhauhna pen 6.4 Magnitude hatna tawh aling hi a, innsia innkicim leh ninkawm lakah Rescue Team te’n a awkcip te zongpah ngeingai uh a, pawlkhatin khutngiat zangin ninkivuk te hemkhia in, kizong ngeingai hi.

Asi mi 2 banah aliam bekbekzong akigawm in mi 219 bang phakhin hi. Hih zinling pen zanni Tuesday zankim hunpawl in Coastal City sungah aling ahihi ci’n Official te’n genkhia uhhi.

Amangcip aki mukhiazo nailote pen innkicim sungah a awkcip hiding kici hi. Zinling innkicim lakah galkap zato “Military Hospital” khatzong kihel cihi.

Hih zinling apianna Hualien City pen khuasungmi akigawm in 100,000 bang aomna ahihi. Zinling nasialua mahmah ahih manin, inn 40,000 bangah tui painawnlo in, inn 600 val ahzong Electric Power ngahnawnlo uhhi.

Video: At least two killed, buildings collapse in magnitude 6.4 Taiwan quake

Emergency Worker leh Relief Team te’n innkicim, ninkawm lakah a awkcip aomlaihiam ci’n zongkawikawi uh a, khuasung mipi te’n meltheih tanau te aki muhbeh aomhiam ci’n lunghimawh takin ngak ngiungeu uhhi.

Military Hospital akipuk pen leilak ah 40-degree asawi lenglang in tuksuk a, tawlet “Windows” tezong kitamkham zihziah hi.

Taiwan President Tsai Ing-wen zong lunghimawh mahmah in, Wednesday zingsangtung in Rescue Operation te nasepna te a endingin paikhiapah hi. Tuaban ah Cabinet leh Ministries tuamtuam te’n hih cimawh dongtuakte huhnading Disaster Relief Work ah amanlangthei penpen in panpih ngeingai un ci’n genkhia hi.

More: Myanmar, Phyu khua ah 6.0 Magnitude thahatna tawh zinling

Southern Taiwan gamsung ah abeisa 2016 kum inzong zinlinggawp in mi 100 valin sihlawhngei uhhi. Tuaban ah 1999 kum inzong 7.6 Magnitude thahatna tawh nasiatak in zinlingngei a, mi 2000 valtak in sihlawhngei uhhi. Sawltak #zomidaily