Taiwan gamsung aom Restaurant khatpan Gas bung puakkham in mi 1 si, 14 liam

Taiwan gamsung aom Restaurant khatpan Gas bung puakkham in mi 1 si, 14 liam

Taiwan gamsung aom ansai “Restaurant” khat puakkham ahih manin mi 1 si in adangzong mi 14 liam cih CNA pan kiza hi. Tuni Tuesday ni in Taiwan, Taichung’s Feng Chia business district sung aom Restaurant khatpan apuakkham ahihi.

Local Media te genkhiatna ah hih Restaurant apuakkhap laitak in ansai sungah sun an “Lunchtime” ahih manin anne in Customers pawlkhat aom laitak cihi.

Taiwan News te genkhiatna ah aliam lakah pawlkhatpen sangnaupang hiding in ki ummawh a, hih Restaurant ah honglutlian ahih keileh angak in akigualh laitak uh hiding cihi.

Firefighters te’n meikuangteng aphelhkhit uhciangin Restaurant ii dawlnihna “Second floor” sualtung ah numeikhat ii aluanghawm mukhia uhhi ci’n Central News Agency te’n genkhia uhhi.

Taiwan News te genkhiatna ah sun 12:22pm hunpawl in Xitun District sung aom Restaurant khatpan in apuakkham tamveipi kiza hi ci’n genkhia uhhi. Meikuang in tua Restaurant akattum banah ageinai akizom aom puanzuakna Clothing Store khatzong meikang lawhphei cihi. Tuapanin Ramen Shop leh Curry Place tezong lawhpheisuak cihi.

Meikuang hangin inn “Households” akigawm in 6 bang meikang a, hih apuakkhap kipatna akikan ciangin inndawl khatna “First floor” aom Gas bung panin apuakkham hiding hi ci’n Local Police te’n genkhia hi. Gas Cylinder panin kehkhia in, apuakkham cimawk hi.

Aliam te lakah numei naupaai laitak khatzong kihel ci a, tuanu pen kum 35 gualpawl kici hi. Tuaban ah adang aliam mi 6 tepen Feng Chia University panin sangnaupang anne dingin apai te kici hi. Adangzong pasal 2 tezong meikanggawp in 80% bang apumpi uh meikanggawp cihi.

Meikuang aphelhding in Fire Engine akigawm in 23 leh meiphelh Firefighters mi 69 te’n meikuang phelhsiangthei uhhi. Hih meikatna hangin asiateng akituat ciangin US$49,400 bang kangtumding kici hi.

Related: India gamsung ah Gas Tanker khat kehin sangnaupang 200 zato kipuak

Feng Chia District kici vengsungpen 1963 kumin akiphuankhia hi a, Taichung sungah agolpen leh anopcipen, aminthangpen Night Market khat ahihi. Gas bung puakkham cih thuthang pen kizathei zelzel hi. Sawltak #zomidaily