Taiwan ah amasa penpen numei President kipan tading

Taiwan ah amasa penpen numei President kipan tading

Taiwan gamsung ah zanni in President kiteelna kinei a, Taiwan’s Independence-leaning Opposition Leader Tsai Ing-wen in President hong ngahkhia hi cih Reuters News pan kiza hi. President Tsai Ing-wen pen numei khat hi a, Taiwan gam ading inzong amasa penpen numei President hong hipah hi.

Tsai Ing-wen apanpih amipi te nuamlua uh ahih manin lungdamna khitui luangziahziah hi. Supporters te’n Taiwan gam ii mailam ah Sen gam tungah ki ngahlo hi. Leitung ah ki ngah hi ci’n lungdam leh kipaktak in genkhia ziahziah uhhi.

Taiwan leh China zong akilem hetlo uh hi a, Taiwan tuikulhlam ngatsa in China te’n Missile thaupi tampitak kepsa in omzihziah kawmkal ah, Tsai Ing-wen ii nasepding pen baihpak hetloding cihzong ki limgen tek hi.

Tsai Ing-wen pen 31 August 1956 kumin asuak hi a, kum 60 sung alutding hita hi. Amahpen Democratic Progressive Party (DPP) ii Chairwoman hi a, ama Party in tutung Taiwan gam kiteelna ah azo uh ahihi.

Thailand ahzong numei Prime Minister Yingluck Shinawatra in hongsem ngeikhin a, Australia gamahzong numei mah ahi Julia Gillard in Primie Minister nasem ngeikhin hi.

Tu’n Taiwan gamah amasa penpen numei President Tsai Ing-wen in hongsemding hita hi. Tuaban ah Kawlgam ahzong asawtlo in NLD Party in ki ukna hong luahto tading a, Aung San Suu Kyi in koimunhiam khatah panmun hongla todek tading hi.

Asia gamsung aom numei te mawkmawk hetlo uhhi, banghanghiam cihleh Zogam ahzong ZCD sungah numei makai muanhuai kineito tahi. ZD Sawltak #zomidaily