London khuasung ah zanni Wednesday meikatna hangin mi 12 si cih AFP pan kiza hi. Ageipan amukha Witness te genkhiatna ah meikuangpen huaisialua mahmah in, innsangdawn ah a awkcip mi pawlkhat tepen cihnading theinawnlo in, atuaksuk khawngzong ki galmuh cihi. Sihliang sangin ci’n tuaksuk uh a, atate uhzong asuahtakzawk khakleh ci’n khiasukmai uh cihi.
Anu apa te’n atate uh buanza, dial “Towel” tuikawksak uh a, tuatawh atate uh tuamcip in ahotkhiatzawh nadingin hanciam mahmah uhhi. Pawlkhat pen innsangdawn ah honghuh un ci’n huhna ngenin kukhia ngeingai cihi. Meikuang pen khauhlua mahmah ahih manin, Firefighter tezong atungdawn dongah ahunlap in kahto theilo uhhi.
Police Commander Stuart Cundy in Reporters te tungah agenkhiatna ah asi pen mi 12 bang omkhin cihi. Tuateng banah asi pen adangzong ki behlap totothei khading cihi.
London khuasung aom Hospital tuamtuam ahzong aliamin akipuak mi 78 bang om uh a, tualak ah mi 18 pen gimmahmah in lametna tammello hi.
Video: Massive fire engulfs London block of flats
Fire Alarm aginpen zingsang 1:00am madiak hi a, meikat akipat phetin kilawhtopah ziahziah cihi. Firefighter akigawm in 200 valbang in meiphelhding leh cimawhte ahonkhiading in kipanpah uh a, mi 65 bang meikuang lakpan in honkhia thei uh cihi.
Social Media ah aki thehthang Photo leh Video te tungtawn in meikuang pen huaisia mahmah cih kimuthei hi.
London Fire Brigade te genkhiatna ah meikatna ahang taktak pen ki theicianzo nailo a, aki kanciansan laitak cihi. Chief Dany Cotton in agenkhiatna ah kum 29 sung kanasepna ah hihzah in ahuaisialiang meikang pen mungeilo hi ing ci’n genkhia hi.
Meikatna innpi pen Grenfell Tower kici a, inndawl pen 24-storey pha kici hi. Hih Grenfell Tower innpi sungah aom pen mi 600 leh 800 kikalbang phading ci hi. Sawltak #zomidaily
Comment piaknop aomleh...