Syria gamsung aom Malaysian gammi IS galkap te innciahding lunggulh uh

Syria gamsung aom Malaysian gammi IS galkap te innciahding lunggulh uh

Syria gamsung ah IS galkap tumdingin akuankhia Malaysian gammi 57 te hamsatna tuamtuam hangin agam uh ciahkiknuam uh ci Malaysian Police te’n pulakkhia uhhi. Sumlehpaai neklehdawn hamsatna leh Pressure tuamtuam hangin Malaysia gamah ciahkikding lunggulh zawta uh cih Berita Harian News pan kiza hi.

Hihvai tawh kisai in ‘Bukit Aman’s Special Branch’s Counter-Terrorism Division” te’nzong pulakkhia uh a, Malaysian gammi bekthamlo gamtuamtuam panin Syria gamsung ah IS tetawh kipawldingin akuankhia pawlkhatpen ciahkikding lunggulh uh cih Police te’n Information kingah cihi.

Syria gamsung ah IS galkap tumding in akizot laitak in galdoding cihtawh akizol uh hi a, aphual atun taktak uhciangin galdo bekthamlo nektawmding zong amauleh amau thalawh in zontawmkul cihi.

Pawlkhat IS galkap tepen zilehta tawh hisawnsawn in, azi ata te uh anekding tawh buaimahmah uh hihtuak hi. Galgam suak ahih manin nasepding omlo, nasep omsunsun ngahhamsa mahmah hi.

Tua ahih manin pawlkhatin a innkuanpih, azi atate uh Syria gamsung panin gampualam ah khakkhiatding hanciam mahmah uh cihi.

Syria gamsung aom Malaysian gammi pawlkhat pen abeisa in khakhat RM890 bang khasum ngahthei uh himahleh tu’n khakhat RM220 khawngbek ngahta uhhi.

Tuazah sumpen adiakin innkuan te kicingzolo ahih maninadang lawmlehgual te kiangah leitawi kawikawi in, nekkhop taakkhop dingpen hamsa asa dinmun hihtuak mawk hi.

More: US kumpi in Syria gamsung “Tomahawk Missile” thaupi tawh kap kipanta

US kumpi in North Korea tetawh aki phinphin uhsangin hih Syria gamsung anasep maban uh hongzom henla, Donald Trump in Election Campaign hunlai in agentheihzel mahbangin IS migilo te hong siansuah vetleh lunggulh huaihi. ZD Sawltak #zomidaily