Sweden Zomi te’n Zomi dongtuak te panpihna puak

Sweden Zomi te’n Zomi dongtuak te panpihna puak

Dear, Zomi It leh ngaih teng
Ih pianna Zogam ah khuahunsiat na hangin ih mipih te genthei liangvai leh dongtuak in a om ciangin leitung bup aa, om Zomite kilinglawng ciat hi. Thungetna leh neihsa sum leh paii tawh ki panpih ciat in ei Zomi te pen Vaphual lungsim nei taktak te i hihi.

Sweden Zomite zong ommawk theilo in ih mipih dongtuak te aa, dingin thungetna leh neihsa sum leh paii tawh a tawm a tam cilo in mapankhop ding ki lunggulh ciat hi.

Sweden Zomite lunggulhna ah Kawlpi leh zangsung pen Kumpi leh NGO etc…. ten en zozaw in lungdam huai mahmah hi. Ei Zogam singtang a om te pen genthei haksa mahmah ding ai ciangin sum ki ngah khempeuh Zogam ah puak dingin ki lunggulh ciat hi.

Tuamah bangin Rev. Thang Van Lian ZYA-Tedim leh Pa Kam Suan Mung ZYA- Kawlpi te tawh kizomna kong bawl uhhi. Sum ki ngah khempeuh 2,188,453Ks a hi hi.

A pia khia innkuan/mimal te tungah ih Pa Pasian in a kamciam om bangin azah 30/60/100 dongin na thuhkik sak ta peuh henla, Hih sum tawm khat hangin ih mipi genthei liangvai ten noptuamna khat bek na ngah ta peuh hen ci-in thupha kongpaih uhhi.

Note tawh genthei liangvai te aa ding

Sweden Zomite taangin
Nang Cin Thang( Donghu sawltak)