Suu Kyi in “Khangno te’n Internet tungah hun mawkbeisaklua” ci

Suu Kyi in “Khangno te’n Internet tungah hun mawkbeisaklua” ci

Asawtlo in Kawlgam hong makaihding in aki lamen mahmahta ahi Aung San Suu Kyi in nungkalsung akibawl ahi Literary Festival ah apulakna ah khangno te’n Internet tawh hun mawkbeisak lua uh cihi.

Tuhun pen Technology tawh ki khangkhawm a, ahi zongin ih khangno te in ahun uh mawkbeisak hi. Pawlkhat in Computer Games, Internet Games leh Social Networks tuamtuam tetawh hun beisak uhhi ci’n genkhia hi.

Technology hangin khangno te in lai (Laibu) simnawnlo uhhi cihi. Tuaban ah sanginn te ahzong laibusaal (Library) cihte ki muzo nawnlo a, laisim mi kitawm semsem hi. Sanginn ahzong lai pen ki lotngahsak (By Heart) vive hiden a, laibu simkawm in ngaihsut hun cihte omnawnlo hi cihzong Aung San Suu Kyi in pulak khia hi.

Hih Technology khantohna pen ih innkuan sungah bangci bangin ihzatsiam hiam cih khatveivei ngaihsut phat huai takpi hi. Tulai Zomi te pawlkhat (nang kihello 🙂 Internet tungah Facebook tawh ahun uh beisakcip mawk uhhi. Internet pen ahoih in zangtheileng ih theihnopkhat theihbehna, sinbehna Tutorial tuamtuam Online ah tampitak aki zongthei ahihi.

Ahi zongin mil gilvah nadinglel in azangpawl ihhihleh pamaih mahmah khading hi. Nitak nalupding ciangin tuni Internet bangci bangin kazanghiam? Phattuamna bang ka ngah hiam? Lungsim hong ninsak, ngaihsutna hong ninsak leh mite anawngkaisak lel kahi hiam? cihpeuh ngaihsunkawm zelzelleng bangci nasa a? Sawltak #zomidaily