Deal ih vekin :: ZCLS Kalaymyo vaihawmna tawh “Zolai Joint Seminar” pen Jan.19-21, 2016 AMC biakinn, Thazin Ward, Kalaymyo ah kipan ta hi.
Seminar makai ding siate hih teng ahi hi. Revd Dr Thuam Khan Thang, Revd Dr Jacob Mung (CLC, Ygn), Revd Khoi Lam Thang leh Sia Dal Sian Pau te hi ding hi.
Association leh Section zui-in taangmi kikah ahi hi. Sunsung thusinna ah sapna ngah teng kikah a, nitaksim biakpiakna kinei ding ding ahih manin hong kihel zozo hong kihel un, cih ZCLS min tawh kongsam uh hi. Zanitak, zintun nitakin Revd Dr Thuam Khan Thang in hanthotna hong nei a, tha kingah mahmah hi.
Tu zingsang Seminar hun masa ah, Revd Dr Thuam Khan Thang in, “Zomite leh Media” cih thu-lu tawh hing gen a, thuthak manpha honkhat kizakha a, manpha kisa tek mahmah ahi hi. Tulaitak, hun nihna ah, Revd Dr Jacob Mung in, “Zomite leh Lai tawh Pasian’ Nasepna” cih tawh tintan hong piak laitak hi a, thupi thei mahmah hi.
A diakdiakin Seminar zawh ding ni, Jan.21 (Thursday) nitak hun pen innteek AMC khangnote’ makaihna tawh “Worship Night” cih bulphuhin Concert bawl ding uh a, Revd Dr Jacob Mung in hanthotna tomno nei ding ahih manin hong kihel tek ta un. Ngaihtaak kha ding hi.
LUNGDAM KOHNA:-
Innteek AMC (Agape) Pawlpite un hih Seminar aa dingin Ks.1,000,000/- (10 lakh) piakhia tazen uh a, kinak lungdam mahmah ahi hi. Sep-le-bawl teng zong vaipuak lalai uh hi. A mundang khat a bawl ding kimlai a lem loh cuangin bing-le-bung a kiseh hi sawnsawn ahh manin AMC pawlpite thupi mahmah uh ci-in lungdamna lianpi i ko hi.
Peter Khampu.
Secretary, Cimm.Cimmittee. ZCLS, Kalaymyo.
C.Thang Za Tuan says
Lai lam Seminar ZCLS in nong neihzawh uh leh hong panpih Innteek AMC Agape te tung ah akibangin lungdam hong ko khawm hang ei. Mailam ah lai nasepna ah ei zong tuantual lo-in manawt semsem ding in kilam-en hang.
C.Thang Za Tuan, ZCLS Advisor