Steve Jobs’ Speech (Apple Company phuakhiapa)

Steve Jobs’ Speech (Apple Company phuakhiapa)

Tan (10) laivuan ong sazian ki theikhin ta. A ong te zong lametna tuamtuam tawh lungdam mahmah ding uh hi.

A onglo te zong lungkiat thanemna tuamtuam omthei dingbhi. Lametna omlo, pilna neilo ci in a lungkia zong om thei ding hi hang. Nu leh Pa te in suntam pi beilawh i hihmanin khasia lungneu thei ding hi hang.

Tha i lak khop dingkhat ah:

Leitungbup ah mihau pen khat mah in a ki ciamteh Steve Jobs thu en pak ni. Steve Jobs pen college kha (6) sungding bek kah hi. Sangkah zo nawnlo in a tawp kik a hihi. A hizongin leitungah a minthang mahmah APPLE Company hong phuan khia thei veve hi.

A sangkahpih pilna nei tampi lak ah a mah sangkah zolo pa hong minthang pen hi. Hun khat ciangin America gamsung aa a thupi mahmah Stanford University Graduation Ceremony ah thugen dingin kisam hi.

A thu gen te:

1. Na lungsim sungaa na ut banglian in piangthei na hih lam ki thei in. Na vision pen mite’n a haksa pen hi a ci zongin zuisuak in. Nalamdang hongpiang ding hi.

2. Vangam pen nuam mahmah cih i thei hi. A hizongin vangam tung dingin kuamah i si nuam kei hi. A taktak in mihing a si nuam kua mah ki omlo hi. I nungta nuam hi. I nuntak sungin i sepnop khat, i deihkhat, i lunggulh khat om aa tua hangin a nungta nuam i hihi. Tua a hihmanin tua na ut dan lian in piang in, na deih na ngah masiah sih sawm kei in.

3. Mi dangte in nangthu hong gen ding phal kei in. Mi te in nang pen hongthei taktak lo hi. Nangpen hihtheihna/ septheihna tawh a kidim na hihi. Mi te in bel ‘sem zo kei ni teh’ hong ci ding uh hi. Um kei in. Tu ni pen leitungah na huntawp ni hi leh tu aa na dinmun lian tawh na lung a kim taktak ding hiam? Tua a hihmanin tu ni in na ut nasep ding ki pan in.

Do what you really love to do. Stay hungry. Stay foolish.

Dangtak mahmah in na dang ngaihsun nawn kei in. Tua te in leitung ah ngualzawh na hong pia ding hi ci in thungen hi.

Lungkia kei in. Zawhna pen ih khut sungah om hi. Pasian in nang leh kei pen a ma lim leh mel sun aa hongbawl te i hihi. Siamsin Library