Stateless Person: Gamneilo Mi

(Million Apologies to my non-Zom Friends: this is about “the would-be-stateless persons, the Zomish who’ve left their homeland”. The whole world believe that all refugees can go home safely, but they do not know what really is happening inside. The Myanmar Government does not allow its people to come home if they haven’t got their National Residential Identity Card (NRIC). I have been there in KLIA Depot Camp, Malaysia, where some Myanmar refugees detained. They have no future because the authorities will not let them out, and without NRIC, they are not allowed to go back to Myanmar.

Here is some questions: If a Myanmar refugee returns to his homeland,

– Who will provide his basic needs: accommodation, food,shelter etc?

– Who will provide with his social, financial and mental needs?

– Who will provide him with a suitable job while there’s a lot of people unemployed? A-b-s-o-l-u-t-e-l-y nonsense!
Thank you for your time.

continue in Zomish:

Stateless Person: Gamneilo Mi

Hih-pen UN Convention-in aciaptehna hi-a, hih dinmun atung ding-a kithawi, tungding theihsa dinmun Malaysia bekbek-ah 10,000 kiim Zomi om-hi. Hihte’ ading lungngai beklo-in pann akilading ahihi.

I’ mipihte “Stateless suaklel hen-aw” I-cihleh athutuam hibekven, tua ahihkeileh mipihte atuul-a sim cihthadah 5 bekbek tuabang dinmun atungding hileh kipawlna khempeuh-in sumlehpaai-tawh tattheih hileh tat akuul dinmun-in ka-mu-hi.

Pu Hau Do Suan leh Zomi mipil ulian makaaipi te-in naakpi-a angaihsut ding-uh kisam ka-sa mahmahhi. Zomite adiak-in USA-a minam kipawlna thupi-in vaaihawmna-zong thupi-a, malaakna-zong thupi mahmahhi. Tua ahihteh refugee lamsang abeisa’ sang-in hong awlmawh zawdeuhleh bang acitam cihnop-huai ka-sahi.

Zomi zatam banghang-a Stateless Suakthei?
Zogam-a neihteng lamteng zuaksiang-a Malaysia, Thailand leh India apai honpi khat om-hi. Lonona gamlei-mah lunggulh-uh ahihlam theihsa ahihi. Tualaaitak UNHCR-in kum-2 vaal service nei nawnloding dinmun hong cihvat ciang-in patauhhuai mahmah-hi. Refugee mah-tawh leitung gam khatna tungkhin-a a-awlmawhlo, kuul asalo, lametna aneilo, “nahih uhzong-in bangmah piang kenteh,” cihbang lungsim anei mipihte naakpi-in haiicip kasa-hi. Lonona atung khinsate’ septheih om-a, agah sakding Pasian ahihi. Tua Pasian abia-a kinei hilo I-hihiam?

DASSK-in, “Hongciah un,” acihpen politician khat’ kampau bang-a pauna hilel-a, neihlehlam bangmah Kawlgam-ah anei nawnlote va-ciah takpileh:

– Kua-in resettlement hong vaaihawm sakding?
– Kua-in tutna-khawlna (accommodation) hong sikding?
– Kua-in munlehmual hong vaaihawm sakding?
– Kua-in mihing’ kisap bulpite (basic needs: food & shelter) hong sikding?
– Kua-in nasep hong guanding?

Leitung Gam Khatnate-ah refugee hong mawklaak lo-hi. Na’ kisap bulpite hongsik uh-a, nasep hongguan uh, tutna-khawlna hong sik-uh, Mihing’ Hihtheihnate (Human Rights) bulpite hong ngahsak-uh. Tua ahihleh Kawlgam-ah bangciang khamuanhuai khopding hongkhaam-uh?

Hihbang kaal-ah UN te-in avaai-uh hong dinkhawl takpileh Malaysia, Thailand, leh India-a Zomi laaizom sisanpih hontang khat Stateless (Gamneilo) hongsuak ding muhsa sinsen ahihi.

Tua ahihman-in adiak-in Malaysia-a ZAM-tawh akinahvawh-tawh akinahvawhlo-tawh akuamapauh-in ZAM pan-a Biakna makaaite leh Khua Makaaite tungtawn-a hong hawmkhiat-uh “Ngetna Limkaihna”-ah lungsiitlo tak-in lim nana kaai hamtang un.

Zomi Pasian’ Thupha!
Zokhai