Staff Selection Commission (SSC) te’ nasep

Staff Selection Commission (SSC) te’ nasep

Staff Selection Commission pen kumpi Agency hi in kumpi nasem ding Group “B” leh “C” a buaipih dinga kidin ahi hi. Group “B” leh “C” pen neu ngaihsut pah ding hi tuan lo hi. Zakhanna (promotion) tampi om hi.

Staff Selection Commission Regional Centre mun kua ah om hi. Tuate;

1. Regional Director, (C.R) SSC, 8-AB, Beli Road, Allahabad, U.P-211002

2. Regional Director(E.R), SSC, 1st MSO Building(8th Floor), 234/4. Acharya Jagadish Chandra Bose Road, Kolkata, West Bengal – 700020

3. Regional Director (KKR), SSC, 1st Floor “E” Wing, Kendriya Sadan, Koramangala, Bangalore, Karnataka – 560034

4. Regional Director (N.R), SSC., Block No.12, CGO Complex, Lodhi Road, New Delhi – 110504

5. Regional Director(NER), Staff Selection Commission, Rukmini Nagar, P.O: Assam Sachivalaya, Guwahati, Assam – 781006

6. Regional Director, (SR), SSC, EVK Sampath Building, Second Floor, College Road, Chennai, Tamil Nadu – 600006

7. Regional Director(WR), SSC, 1st Floor, South Wing, Mumbai; Pratishta Bhawan, 101 M.K Road, Mumbai, Maharashtra- 400020

8. Deputy Director(MPR), SSC, Nishant Villa, F. Jalvihar Colony, Raipur, Chhatisgarh – 492001

9. Dy. Director,(NWR) SSC, Block No.3, Ground Floor, Kendriya Sadan, Sector-5, Chandigarh – 160017

Staff Selection Commission ten Exam nam tuam tuam Junior Engineer, Combined Graduate Level, Combined Matric, Data Entry Operator(DEO) etc. te bawl zel hi.

Combined Graduate Level Examination(CGLE): Group B leh C nasem ding lakna hi in Graduate khin ten exam pia thei hi. Kum lamah 21-30 ciang himahleh ST Candidate te kamphatna tawh 35 dong exam thei uh hi. Hih pana cingte in nasep a tuam tuam sem uh a khasum zong PB-2: 9,300+GP 4,600 = Basic Pay Rs.13,900 khawng ahi hi. Combined Graduate Level Examination pen kum sim phial in om hi. Written exam a cingten interview/practical nei kik in tua khitciangin appointment ngah pan uh hi.

Junior Engineer Exam: Staff Selection Commission ten a hun kihal bek khat in JE lakna exam bawl zel uh hi. A ngen thei dingte Engineer lama Diploma ngah khin kum 18-27 kikal mite ahi hi. ST Candidate ten bel kum 32 dongin exam pia thei ding hi. A nasep ding uh pen CPWD leh MES(Mechanical Engineering Services) khawngah ahi hi. Kha sum pen 9,300 – 34,800 + Grade Pay Rs 4,200 = Basic Pay Rs 13,500 ahi hi. Tua banah Allowance dang zong ngah beh lai ding uh hi.

Combined Matric Level Examination: SSC ten CML exam pen a hun kihal pian in bawl zel uh hi. Central Office tuam tuam a sem ding ahi uh hi. HSLC a zo khin kum 18 -27 ciangin exam thei ding hi.ST Candidate ten bel kum 32 a phak dong uh exam thei ding. Khasum zong PB-2 9,300 +GP 4,200 a hihna mun zong om hi. Tua ahihmanin Graduate te adingin zong sia lua lo hi.

Matric Level ah Exam pia tam thei mah mah ahihmanin exam dawl nih Prelimiary leh Main Exam ah kikhen hi. Prelim a cing te main exam kik in tua khit ciang interview/practical om kik hi. Tua a zawh khit ciangun appointment ngah thei pan bek uh hi. A nasep uh a tam zaw LDC, Stenographer, Constable etc. ahi hi. Exam pen English, Maths leh GK hi pen mai hi. LDC te adingin Typing leh Computer siam kuul hi.

SSC nuaia Exam te pen Politics kigolh lo ahihmanin Fair vanglak hi. Kuamah kideihsak leh kigenpih theih cih bang om tuan lo hi. Mi thanuam, tupna nei te adingin lampi ki hong mah mah hi. State government nuaia exam te khawng Politics ki golh zel ahihmanin kideihsakna om thei hi. Tua ahihmanin politics lamah dinmun hoih a nei lo zomi te adingin SSC nuai khawngah nasep muh ding lam-et huai zaw hi. Tua ahihmanin hih lamah theih tawp suah in han ciam dih ni.

Pau Tun Thang