Singapore, Yishun vengsung ah Flat khat meikang in mi 100 val ki hemkhiasak, mi 2 zato kipuak

Singapore, Yishun vengsung ah Flat khat meikang in mi 100 val ki hemkhiasak, mi 2 zato kipuak

Singapore gamsung Yishun vengsung aom Flat khat meikang ahih manin mi 2 zato tunlawh uh a, adangzong mi 100 valbang aomna inntek panin ki hemkhia ngeingai uh cih Today Online pan kiza hi. Tuni Sunday (June 24) ni in Yishun Flat ah thupiang hi a, mi 2 tepen meikhu limdikkhalua ahih manin Khoo Teck Puat Hospital ah kipuak uhhi.

Singapore Civil Defence Force (SCDF) te genkhiatna ah zingsanglam 7am hunpawl in Yishun Avenue 4, Block 663 aom inndawl 4 Floor ah meikang om ci’n hongki zasak cihi.

Tua Apartment pen akigawm in inndawl 12 Storey apha hi a, atungsiah aom tezong meikat ciangin lauhuai ahih manin Safety Precaution ci’n ki hemkhiasak pahhi.

Video: Two men in their 20s were taken to Khoo Teck Puat Hospital on Sunday (June 24) for smoke inhalation after a fire broke out in a flat in Yishun. The Singapore Civil Defence Force (SCDF) said it was alerted to the fire in the fourth floor unit at Block 663 Yishun Avenue 4 at around 7am.

Yishun Avenue 4 kici Apartment Block te abeisa in Singapore President Halimah Yacob aom ngeina hi a, Singapore gammi te’n “Yistana” ci’n amin aphuahsak Apartment Block ahihi. President Halimah Yacob pen abeisa in inndawl 6 Floor aom Jumbo Unit khatah aomngei ahihi.

Meikat laitak Video kizaihkha in Social Media ahzong ki khahkhia a, meikhu bekbek phulkhia zaizai hi. Singapore Civil Defence Force (SCDF) te genkhiatna ah meikatna pen innsung aom innlim Living Room, anhuanbuk Kitchen, lupnakhan Bedrooms sungteng aom vankhempeuh meikanggawp cihi.

More: Singapore ah numeikhat aguaktang dekin lamlam ahih manin kiman

Singapore Civil Defence Force (SCDF) te’n meiphelhding in Fire Engine 2, Red Rhino khatleh Fire Bikes 2, Ambulance 1, adang ahuhding Vehicles 3 te aphual ah delhsakpah uhhi. Tua Apartment Block sungteng meikuang pen Water Jet 2 tawh kiphelhsiangzo hi ci’n genkhia uhhi.

Singapore Civil Defence Force (SCDF) te’n hih meikat akipatna ahang taktakpen hoihtak akancian laitak uh cih kiza hi. Sawltak #zomidaily