Singapore ah numei te bombi sungten aguksak pasalkhat kizonsan

Singapore ah numei te bombi sungten aguksak pasalkhat kizonsan

Singapore, Bukit Batok vengsung aom Apartment khat ii apualam ah akipho numeite bombi sungten ki guksak in, aguksakpa zong CCTV sungah kimuthei, ki Record kha citciat hi. Tuapa pen “Underwear” gukvaitawh Singapore Police te’n matding in limzonsan mahmah cih Straits Times pan kiza hi.

Bukit Batok, Housing Board Block innpualam Corridor ah puanphona Laundry Rack tungah puansilh tuamtuam akiphokhawm hi a, tuate lakah numeite asungten tebek guksak citciat hihtuak hi.

Hih innnei, innteek te’n puansungsilh “Underwear” te hongki guksak hi ci’n abeisa inzong Police Report bawlngeikhin uhhi. Hih aki guksakpen nung Thursday ni hi a, Video Record akibawlna ah nitaklam 4:02pm hunpawl in pasal puansan asilhkhat in aguksak ahihi. Brassieres leh Panties pawlkhat kiguksak cihi.

Tuabang in aki guksak laitak CCTV Record akibawlkha Video pen Facebook tungah Li Jianbin kici User khatin zanni in khahkhia hi. Tua Facebook tungah agelhkhiatna ah numei puansungsilh, bombi sungten hongki guksak pen a 5 veinabang hita hi. Police Report kabawlzel uhhangin tudong kimanzo nailo hi. Tua ahih manin, hih Facebook tungtawn in mipi muhding in kong khahkhia uhhi. Hihpa in numeite bombi sungten “Lace Underwear” tebek gu hi ci’n gelhkhia hi.

Singapore gamsung ah numei te bombi sungten aguksak pasal pawlkhat kiza zelzel hi. Nungkum October khasung inzong Bedok Reservoir Road aom Block 135 ah kum 26 aphakhin pasal khatin numeite asunglam ah asilh “Undergarments” pawlkhat guksak ahih manin, kiman ngei hi.

August 2016 kum inzong pasal kum 29 aphakhin khatin Bedok North Street 3 aom innpualam ah akipho numeite nawituam “Bra” pawlkhat leh bombi sungten pawlkhat guksak ahih manin kiman hi.

More: Pasal khatin numei puansungsilh khat aguk laitak CCTV pan kimu

Hihpa akimat in numei bombi sungten bekbek akigawm in 100 valbang aguksa kimukhia cihi. January 2016 inzong pasal kum 42 aphakhin khatin Queenstown leh Redhill vengsung ah numeite bombi sungten “Underwear” honkhat guksak ahih manin kiman ngeihi. Sawltak #zomidaily