Singapore MRT meileng lutna ah Christmas Greetings laimal kigelhkhial

Singapore MRT meileng lutna ah Christmas Greetings laimal kigelhkhial

Singapore gamsung khuasung kikawmna MRT meileng Station khatahzong lungdambawl muakna lai kisuaksak himahleh laimalgawm “Spelling” kikhial ahih manin, Social Media tungah kithehzak hi. Downtown Line atai MRT Station khat ii alutna ah Christmas Greetings akisuang ahihi.

Hih Christmas Greetings vai aki suaksak masa pen abeisa Reddit website tungah hi a, Photo sungah “Marry Christmas” ci’n kigelhkhial takpi hi. (aman taktak pen “Merry Christmas” ci’n gelhding ahihi) MRT Station pen koi cih kigenkhia lianlo a, ahi zongin meileng Station sung alutna Entrance khat ii Display tungah akisuaksak ahihi.

Singapore Netiznes te’n hih Christmas Greetings amuhkhak uhciangin Social Media tuamtuam ah suaksak uh a, laimal kikhial pen ciamnuihbawl ngeingai uhhi.

Hihvai tawh kisai in SBS Transit vice-president of corporate communications Tammy Tan tungah dotna kinei a, amauzong hih Spelling Error hangin kakhial mahmah uhhi, aki theihphet in ki puahpha, kilaihkik pahhi ci’n genkhia hi. Hih hangin meileng azang khualzinmi Commuter te khatpeuh in nopmawh asaklohding ka lamen uhhi. Hih tungtawn in kongthuum uh a, mikhempeuh “Merry Christmas” ci’n kong hopih uhhi ci’n dawngkik hi.

More: Indonesia ah Christmas hunsung buaina abawlsawm migilo honkhat kimankhia

Malaysia gamsung aom Airport khat ahzong “Mary Christmas” leh “Happy New Years” ci’n Christmas Greetings pen ki gelhkhial ahih manin, Social Media ah ki thehzakpah zihziah hi. Malaysia Airports thunei te’zong atheihphet in mipi tungah thuumna Statement khat khahkhiapah uhhi.

Adiakdiak in Singapore gampen Manglai alimzat mahmah, National Official Language sungahzong English akihel hi a, ahi zongin Christmas Greetings pen kigelhkhial citciat sese hi. Sawltak #zomidaily