Singapore gamsung meikhuam tungah gul kimu, aki hepkhiatdan kimawhsak

Singapore gamsung meikhuam tungah gul kimu, aki hepkhiatdan kimawhsak

Singapore gamsung Bukit Batok, Housing Estate aom meikhuam “Lamp Post” tungkhat ah gul golsimsim khat Monday ni in kimu hi. Tua gul amukha Public khuasung mipi te’n thunei te zasak uh a, ki hemkhia hi.

Tua gulpen Python akici tham gulnamte hihtuak a, meikhuam tungah kavialto in kahto a, atungdawn ah na om citciat hi.

Meikhuam “Lamp Post” tungpan in tuagul aki hepkhiat laitak Video kizaih in, Facebook ah ki khahkhia hi. Pest Control Company pan hiding in aki ummawh pasal khatin ciangtawn tawh tuagul pen sawnkhia in, leilak ah kiasukdam a, ginngaih zawzen hi.

Singapore Police mi 2 inzong ipsung ah aguanding ciangin Pest Control khatguak in cimawh dektak ahih manin, huhkhawm uhhi.

Singapore gamsung ah ganhing tawh kisai in kipawlna ACRES (Animal Concerns Research & Education Society) te’n hih gul aki hepkhiatdan pen diklo hi ci’n genkhia uhhi.

ACRES panin Deputy Chief Executive Officer asem laitak ahi Mr Kalai Vanan in agenkhiatna ah Video akizaih sungah gulpen hoihtak in ki hemkhialo hi. Hih gulte pen ihgam ii neihsa gamsa “native fauna” ahih manin, hoihtak in ihkepcing kul hi.

Meikhum tungpan in hih Python aki hepkhiatdan pen aki sawnkhia ahih manin, hih gul bangmah liamna aneiloding in ka lamen hi. Mailam ah gul namuh uhciangin Pest Control Company te sapding hilo a, ko ACRES’ Hotline 9783 7782 ah nongsapding uh hizaw hi ci’n genkhia hi. Ganhing it kipawlna te’nlah mihing te adingin alauhuai ganhing nangawn itbawlmawk uhhi.

Gul ahemkhia Pest Control pa’nbel gul matdanzong siamtuak mello in, khahsuah dektak zawlai hi. Amatkhak cianginzong dopbawl hetlo in, akhe bangtawh siksukpah gipgiaplel hi.

Video: ACRES says python was not removed correctly from lamp post in Bukit Batok

Lianhe Wanbao News te pulakna ah hih Python gulpen Monday zingsang 5am hunpek panin akimukhin hi ci’n pulak uhhi. Tua vengsung ah ateeng Mr Chen kicipa in Lianhe Wanbao te tungah agenkhiatna ah zingsang kathawh ciangin tawlet “Window” panin kadaksukleh Basketball Court sungah gul golsim khat kagalmuh cihi.

More: Bangkok ah numei khatin dailenbuk azat laitak gul in anuaipan tuto

Tuaciang in vengsung aom mite adingin lauhuaina khatpeuh piangkhaleh ci’n tua gul aki hepkhiat nadingin kadeng ci a, tuaciang in meikhuam tungah akahto cihi. Tuaciang in Town Council te aki zasak cihi. Gul in mihing te bang phattuamna apiamawk mahtam mate? Sawltak #zomidaily