Singapore Hotel inndawl 15 panin kiasuk in alu leh apumpi kikhenkhia

Singapore Hotel inndawl 15 panin kiasuk in alu leh apumpi kikhenkhia

Singapore gamsung aom Hotel inndawl 15 panin Vietnamese gammi pasal khat kia in si cih Asia News Network pan kiza hi. Jalan Sultan lampitung aom Hotel Boss akici zintunbuk ah Wednesday ni in thupiang ahihi.

Hotel Boss pan akiapa minpen Nguyen Ngoc Duy kici a, kum 23 aphapan khat ahihi. Hotel ii inndawl 15 na panin akia hiding in ki ummawh a, alu pen aluangtawh ki khenkhia hi. Alu pen inndawl 4 na ah kimu a, aluanghawm pen inndawl 5 na ah kimu hi.

Singapore Police te’n hihpen asihdan angeina hilo, Unnatural Death in ciamteh uh a, athu kansanlai uh kici hi.

Lianhe Wanbao News te genna ah buaina apianna Hotel Boss’ Room pen Vu Truong An kici kum 21 aphakhin khat ii Booking abawl cihi. Amahpen Institute of Technical Education ah sangkahlai, sangnaupang khat ahihi.

Hih Hotel Room ah alawmte mi 5 tawh tawlngak hun “Staycation” zangding in atungkhawm uh ahihi. Tua mi 5 lakah asipa zong kihel cihi.

Hotel Booking abawlpa leh Nguyen Ngoc Duy pen kitawngin uh a, inndawl 15 panin Nguyen Ngoc Duy kia ahih manin asi hiding ci uhhi. Aki totpihpa zong alu liam ahih manin Hotel nasemte huhna tawh Tan Tock Seng Hospital ah kipuak a, amahbel sihlawhliang nadingin liamngawh lualo hi.

More: Singapore SMRT meileng lampi tungah mikhat asisa in kimu

Hihvai tawh kisai in Hotel Boss panin bangmah pulakkhiatna neinuamlo uh cih kiza hi. ZD Sawltak #zomidaily