Singapore ah Zika Virus ngah mi 16 kibehlap, mi 258 hita

Singapore ah Zika Virus ngah mi 16 kibehlap, mi 258 hita

Singapore gamsung ah zanni Monday (05 September) ni in Zika Virus a ngahthak mi 16 ki behlap leuleu a, zanni ciangciang Singapore gamsung ah Zika Virus angahkhin mi 258 tak phatota cih CNA pan kiza hi.

Hih Virus ngahthak mi 16 lakpan in mi 11 tepen Aljunied Crescent, Sims Drive, Kallang Way, Paya Lebar Way cih vengkuam sungtengpan mah cizel hi. Hihvengsung tengpen Zika Virus ahuaisiatdiak, aki lawhphatdiakna vengkhat ahihi.

Adang mi 1 pen Joo Seng Road vengsung panin angahding in ki ummawh a, acianlai adang mi 4 tepen koici bangin hih Zika Virus ngahkhiakha cih ki theicianlo hi.

National Environment Agency (NEA) te genkhiatna ah Vector Control mah kihanciam cih limgen uh a, Aljunied Crescent, Sims Drive, Paya Lebar Way, Kallang Way kuamsungteng ah thokang aomloh nading in thoza kapngekngek uhhi. Hihvengteng banah Circuit Road, Geylang East Central, Geylang East Avenue 1 cih vengsungteng zong siansuahna neiding uh cihi.

Monday ni in Ministry of Health (MOH) te genkhiatna ah Singapore gammi khempeuh Zika Virus ki sitciannuam, Test bawlnuam te kumpi sumtawh huhna Subsidies piading uh ci’n tangkokhia uhhi.

Nisim mahin Singapore gamsung pan Zika Virus akilawh omdenmawk a, lungkhamhuai simtham hi. ZD Sawltak #zomidaily