Mawtaw lamzikpi tungah siktukilh bekbek 40km sung dimzihziah in mawtawpei tampi kitam

Mawtaw lamzikpi tungah siktukilh bekbek 40km sung dimzihziah in mawtawpei tampi kitam

Eastern China sung aom Expressway mawtaw lamzikpi tungah siktukilh “Nail” bekbek kiaphei zengzang ahih manin mawtaw 100 valbang paitheilo in khawlcip ngeingai uh cihi.

Qianjiang Evening News te’n Tuesday ni in agenkhiatna ah China, Zhejiang Province, Shaoxing sung aom lamzikpi tungah Lorry mawtawpi khatin siktukilh Nail leh Screw honkhat apuak pen akiakhia cihi.

Lorry hawlpen inzong hih Nail leh Screw te akiatlam theilo in, ahi zongin atheih aphak ciangin Hihgway lamzikpi tungah 40km sungbang ah ki phahphei zihziahta cimawk hi.

Traffic Police te genkhiatna ah hihbangdan pen Zhejiang sungah piangngeilo a, buaina Incident ahuaisiapen hiding ci uhhi. Ahi zongin kamsiatna pan kamphatnakik bilbel khatah hih buaina hangin asi leh aliam kuamah ommanlo hi ci’n genkhia uhhi.

Hih Highway lamzikpi atawnkha te genkhiatna ah mawtawhawl Driver atamzaw pen naikhat in 120km hatna tawh akitai vive hizaw cihi. Lamzikpi tungah sik hiam aomding in ki ummawhkha dihdihlo ahih manin, ki hattaisak mahmah a, mawtaw Tyre honkhat sunvangpah cihi.

Driver khatin agenna ah a mawtaw Tyre tungah siktukilh bekbek akigawm in 30 valbang naki phutkhin cimawk hi.

Hihthu akitheih ciangin Emergency Service te’n asiansuah dingin kipanpah uh a, Maintenance nasem mi 200 val in nai 5 sungtak asiansuah khitciangin lampi ki hahsiangkik zopan ciliang hi.

Nitaklam 9pm khitpawl in Lorry tungpanin Nail leh Screw honpikhat akia hi a, anung ah azuikha mawtaw tampitak apei kitaplawh uhhi.

Mawtaw bekbek 100 val bangin apei kitam in siatlawh cihi. Lorry Driver pa’nzong acih nading theilo in, ama Insurance Company te kiangah mawtawpei asia te Compensation nongpiaksak theiding uhhiam ci’n adotleh Insurance in huamkhalo hi cisawnsawn hi.

More: China Eastern te vanleng vandawn ah Engine Casing kitam in amanlang in kumkik

Lorry Driver pazong dahmahmah a, bangci bangin liausum piading cih ngaihsun zolo in, sinuam zawphial ing ciliang hi. Lorry tawh apaikhiatma in hoihtakmah in mawtaw tungah avanpuakding teng aki koih ci a, bangci bangin kihongkhia in kiakhia hiam kitheilo hi. Traffic Police te’n bangci bangin thu bawlding cihpen kitheician nailo hi. Sawltak #zomidaily