Sikseek pa leh Puumzap pa tangthu ~ Hau Thang

Sikseek pa leh Puumzap pa tangthu ~ Hau Thang

Hunkhat lai-in khua khat ah Siksek pa leh Puumzaap pa teeng khawm uh hi. Khua mite avek un khutmawl in siamna ciimna kician diktak kivakh na anei kei uhi. Tua hun laitak in Siksek pa leh Puumzaap pa in khuami ading nasem mahmah tuak uhhi.

Siksek man kumkhat in an bungkhat ta la uh hi. Ahang in Khuazang in lokho hi uh a, Tem , Tu, Hei cbt.. sik sekman siah ala tanghtangh uh hi. Ahih hang in Siksek pa in Amah bek siamna sa ahih man in Puumzaap pa thupi simlo in siah akai niloh hi. Hunkhat ciang in Puumzap pa in Puum zap nawnloh in aom ciang in Siksek pa asin goltol in alungham hi.

A lungham ciang in Khuami te in Siksek pa aw banghang in Lungham theina hiam? ci in a donghi. Tuabang thu akidot ciang in Siksek pa in hibang in adawng kik hi. Ka siksek sa mahmah hi . Alawng nuam in nalawng un cihsan hi.

Tuaciang in Khuami te in Siksek pa alung am citcit hi ci- in Puumzap pa vadong ni a cihi. Khuami te in Puumzap pakiang vapai uhhi. Puumzap in in hih lai ah’ bang hong hih nahi uhiam? ci in khuami te adong kik hi.

Khuami te in cihi. Siksek pa in a siksek na asa mahmah sik atheih gegu kimlai alawng nuam in lawng un hongci in hong haibawl mahmah hi. Puumzap pa aw! Ko hih siksa pi bangci lawng ding ka hi uhiam? ci -in khuami te in Puumzaap pa adot ciang in hibang in ahilhkik hi.

Siksek pa in khuami te hong haibawl luatna ahihi. Na Sial khawi uh sehsat un la avun te zuak kei un. Khut tuam in tua nasial vun uh bawl un la Siksek pa siksek asa mahmah la in tui votsung ah diah un. Tua hileh Siksek pa in thu omlo pi-in Khuami tungah siahkai nawnlo ding ahihi acihi.

Tuabang in Puumzaap pa in Khuami te ahilhkik ciang in Khuami te in Sialvun te tampi khuttuam in bawl uh a, Siksek pa kiang apai pihhi. Siksek pa in acih ngei bang in ” Ka siksek alawng nuam in lawng un acih ciang in Khuami te in Sialvun tawh akibawl khut tuam tawh akhut tek uh tuam in asa mahmah ahi Siksek pa siksan akhut in tawi uh a, Tuivot sungah adiah khit ciang in Khua mite Numei naupang in tua siksa tawi thei lawng thei uhhi.

Tua ciang in khua mite in Siksek pa in ih khuazang bup in hong khemkhem ahi ve maw cih atheih ciang in Siksek pa ading in Puumzapna kipia nawnlo Siksek pa in sik asek nop hang in Puumzaap ding mi leh Puumzapna anei nawn kei hi. Khuami te in sik adeih bangtek in asek thei lel uhhi. Hau Thang