“Sian Hoo Lim ” Kihong baih ta ding

“Sian Hoo Lim ” Kihong baih ta ding

Pasian in Zomite hongit in hong hoo pih a, minam lian khat isuah nading in Lai zong hong pia hi. Minam lian khat sung ah upna tawh kipawl in Biakna nam khat bek zui cip bikbek theih hi lo a, iutut hun in akhangkhang in kikhel thei hi. Innkuan khatsung zong biakna kibanglo ki om thei hi.

Tu in Minam lian kampau kician awkhat in ihluang khiat theih na leh ei minam ahilo na leng in eite kampau in pau a, nampi kampau atelna nading Lainei te ihihna Pasian in hong it hong liimsunh minam ihih na lah khiatna leitung khual zin minthang tuamtuam in ateltheih leh hongtel pih nading dong in mit muh theih khut in lawntheih Pasian in Zomi te hong hoopih na tawh Pasian liim leh vaang abel te in ngamdai tak in zong Pasian paaina, thungetna aneih theih nading in Rihkhuadar khuapi Laipian huang sung tawh kinai ah SIAN HOO LIIM tower kilam a, 2015 April 11 ciang in kihong ding ahihi.

Sian Hoo Liim lamhna tawh kipawl in huhna hongpia sum leh paai pan kipan thatang neihsa, neek leh dawn dong ah Zomi sung pan hong ki panpih ban ah Rih Khuadar khuapi kiim om Zomi kipawlna mahmah pan minamlai neihna atangko khiasak Sian Hoo Liim lamhna tungtang ah tha tampi kipia khiate tungah lungdam na iko sawnsawn hi. Mizoram lam pan in Mizo lamte in zong cement kisam siik kisam te hong panpih sawnsawn lai ahih man in Zomite in ki angtan pih kipaak tuam mahmah hihang. Kihong nailo ahih hang in MRTV te khat vei hong pai khin uh cih kiza hi.

Khuakhal hun hita a, Rih ah khualzin mivom mikang te zong omzeuhzeuh den ta in Sian Hoo Liim apai nuamzong om thei zel hi. Aphual kihah siangtho nailo leh dawn ding tuisiangtho te hoihtak neih kul lai hi. Tutna khawlna nuam neih kul lai a, Khualzin te neek theih dawn theih ding avot leh anliim mehliim kizuak theih na om nailo hi. Mawtaw pi atung ding in lampi kibawl khin ahih hang in lampi ah suang kipah zo nailo ahih man in vui khu theilai cih ding hi.

Sian Hoo Liim tung ah Lungtang liim aom tungah kigelh lai in LUNGSIIM TAKPI KADEIH. cih laimal hi a, Leitung lim tungah kigelh Laimal in LEITUNG MUNKHEMPEUH AH NA THANGSAK DING UH HI. cih na ahihi. Leitung mun tuamtuam om Zomi te in Minam lai neihna thei sak in sinsak in thang sak un zuunsiam tek ding vaipuak eimau kungtung tek ah inei hi.

Lungdam!
Hau Thang