Siamsin Makai ngeikhat hihna tawh ~ Kam Suan Mung

Siamsin Makai ngeikhat hihna tawh… ~ Kam Suan Mung

– Kawlgam

Hunkhatlai Kawlgam pen Asia gam ah Pilna lam, Business lam, etc. ah hong ki etteh mahmah gam hi.

Kumpi kilaih in Galkap ukna ah kitung Kawlgam kiat cihtakin kia Asia gam cih thadah ASEAN huam ah zong niampen ta.

Tun alemding bang pianpian ahih hang anung ah alen denden om lai. Kumpi thak kahtaleh gamtang theilo atungpan a gak om den.

– Siamsin

Hunkhat lai Zomi Siamsin sung tha kihat mahmah Zomi vai, Kipumkhatna ding vai etc ah hong ki eng mahmah hi.

Hun hong paito in Makai Laklawh group ukna ah kitung Kipumkhatna, Zomi nulepa muanna pan kiat cihtakin kia kuamah i zahtak bangzo nawnlo.

Makai kilaih toto ahih hang anung ah alen denden om lai. Makai thak kahtaleh gamtang theilo atungpan a ukna om den.

Siamsin min hong kihel ciang kuamah phawkkhak loh a na ana saden khat hing.

1996-97 (College 1st year Kum) in Zomi Nam Ni ading Siamsin lam lak dingin Yangon ah kivei ngei Kumpite khakna tawh pawini lian in galkap dimtakin hall ah nana khakin kibawl theilo hi. 97 College buaina tawh College kikhak ciang India lam pilna zomding kuanto

Higher Secondary kah in 97-2000 sung Kolkatta ah om. 1998-99 in Siamsin President kum 2 Kolkatta ah sem

Adiakdiak in Zomi kipumkhat theih nading Kawlgam mi le India Zomite kaikhawm in Zomi Nam Ni thupi theithei ding pan kila India – Kawlgam Zomi omteng gawmtuah in bawl pih zo.

Kawlgam tungkik in

Zomi Siamsin Kipawlna a 1 veina Siamsin Seminar TEDIM ah Thugenpi Pu Chin Sian Thang pen Galkap khauh mahmah lai a Kalaymyo pan Tedim dong Ka Jeep tawh tuntohpih lamkal ah dalna tuamtuam zong tuak tun veve. Tuahun a Kawlgam Siamsin Makai Kappu kihel in thei in teh.

Seminar ah ZSK motto ding kikum ngeingai lemthei paklo. Siamsin makai ngeikhat kahih hang kitulmawh masa nuamlo a thungai khat a kihel hinapi om theilo dingto a India Kolkatta Siamsin President seplai India Gambup Zomi Siamsinte in “Sinin, Semin, Zunin” zanghi tuatawh ki Uniform theileh hoih ding hi kacih le kithu kim tek in tawm lemtuah kik a “Sinin, Semin, Mainawt ni” cih tawh kikipsak hi. Tuni dong kizang lai sam.

Hun hong paito in ZYA 2005 kum apiang tawh kizom kha in 2007 kum teh sumkem panmun nana ngah, tuapan 2012 kum teh GS term nih sem zom 2018 dong tuapan President ding hong kitelto 2018-2021 sung sepding cih tulaitak dinmun hi. Hih hunsung teng ah Siamsin makai ngei hihna tawh kizui in khangthak Siamsinte kisap nana ah panpih zawhzah in mapang toto thei ing.

Example:

• Siamsin Magazine te
• Zomi Nam Ni bawl nading te
• Siamsin Seminar te
• Siamsin Awging te
• Mandalay Siamsin bawl Zingsol Magazine te
• Siamsin Medical Trip te ah a cihtham ahihloh hang panpih thei den hing.

Tua kawmkal ah ZYA makai hihna tawh huhna hong kingetna tungtawn in Pangpi veng biakna pawikhat ah security na kisem a tua nasep na ah khangno pawlkhat Nasep pih ten nana thuhilh in nana vua kha uh hi.

Hih pen mimal thuhilh a kinei hi napi Siamsin makaipi khat nana himawk in ZYA ten Siamsinte vuagawp satgawp hi hong kicih takteh vok khat go in sisan takna tawh kithum hi. Mimal kibuaina hi napi kipawlna min dong hong tuntoh mawk ciangin vai khempeuh uzaw dinmun la in nakisem hi.

Mimal vai le kipawlna vai khen siamthei lo, khen siam nuamlo a kineih tam mahmah lai mawk hihang.

Tutung vai zong mimal vai hi ci napi Khangthak Siamsinte ngeina maw bangmaw theilo.

ZYA dan mah a ZRA in zong Siamsinte Sasi takpeuh hong kul sak mawk tam maw.

Bangbang aizong 97 Kawlgam a om Zomi Siamsin hunlai kimakaihzia phawkna le deihsakna kei mimal lunggulh sak namawkmawk hi ei. (Kum 16-20 kuam University Sang naupangte i siangthotak ah kalsuankik theih nading lunggulh sakna) Kam Suan Mung, Phone 09400311770