Siama Cingkok Bangkok ah zato kahkikvai thunget cialna

Siama Cingkok Bangkok ah zato kahkikvai thunget cialna

Dear All,

Abeisa nung kum sungin S/m. Cingkok damlohna hangin Bangkok ah zato kilak in a vakuanna ah akua matek in thungetna leh panpihna hangin Topa in noptuamna tampi ong ngah sak hi.

Dr. Cingkok pen zato ah ki vel ( check up ) bawl kik dingin 23 march 2015 ( Monday ) ni in Yangon pan Bangkok zuan in ong kuankhia uh hi. Bangkok atunmaa un vanleng tung pan in khensatna khat ong nei a, amaa damloh natawh kisai in zatui tawh kikep ding pen ngaihsun nawnlo in Topa in ong damsak ding hi, cih upna khat ong nei hi.

Bangkok zato ong tun khit uh ciangin Siavuan ten check up abawl uh leh anatna pen ong kipan kik nuampian ahih lam ong mukhia uh hi. Dr. Cingkok in zatui tawh kisai bangmah zat nawnloh ding khensat ahih na tungtawn in Chemotherapy (dat-ken) ding zong ngaihsun nawnlo a tulaitak in emergency ward ah om hi.

Tua ahih manin Dr. Cingkok sanggam te in abeisa hun sung a ih thungetpih nate lungdam ong koh ban vuah tu in zong mimal khatciat in Topa’ tungah thungetsakna lunggulh uh ahih manin hih email tungtawn in thunget ong cial ing. Lungdam.

Dr. Cingkok sanggam te’ tang in,

Thawng Khua Kai