Colombia gamsung aom Shopping Mall khatah Bomb puakkham in mi 3 si cih Aljazeera News pan kiza hi. Colombia ii khuapi “Capital” ahi Bogota khuasung aom mi atam ziahziahdetna Shopping Center khatah zanni Saturday nitaklam in apuakkham ahihi.
Andino Shopping Centre kici ii numei dailenbuk “Toilet” panin apuakkham hi a, asi mi 3 tezong numei vive ahihi. Asi mi 3 banah adangzong mi 9 liamgawp uhhi.
Sunday nipen Father’s Day Celebrations bawlsawmtek in Pate letsong vanpiakding lei in mi atam mahmah laitak in apuakkham kici hi.
Colombia Police te genkhiatna ah tua apuakkham Bomb pen numei te dailenbuk ii atutna “Toilet Bowl” ah akisel ci uhhi. Tua Toilet omna pen Shopping Center ii inndawl 2 na ah ahihi.
Bogota Mayor Enrique Penalosa inzong hih Bomb puahkhapvai genkhiatna nei a, Terrorists te meidawi gamtatna hiding a, asi aliamte ki lainatpih mahmah cih genkhia hi.
Asi lakah France gammi numei khatzong kihelkha a, tua French woman pen khuasung mizawngte ahuh Volunteer khat hisawnsawn hi.
Bomb puakkhapna apiankhit ciangin Shopping Center zong palik te’n siansuah in mipi teng taikhiasakmang uhhi.
Bomb Squad Specialists te’nzong hih Shopping Mall leh akiim apam ah adang apuakkhamthei aomlaihiam cih hoihtak sitcianna nei uhhi.
Colombia security officials te’n hih Bomb asukham pen kua hiding cih kancianna neihsan uh cihi. Shopping Mall Center sungah nasem khatpa ii genkhiatna ah Customer khattawh kaki holaitak un agin ngaihmahmah apuakkham khat kaza hi ci’n genkhia hi.
Tuaciang in mikhempeuh apualam ah paikhia un hongkici a, agei ah misi khatzong ka mupah uhhi. Adangzong tampi liam uhhi ci’n genbeh hi.
Video: Shopping mall blast kills at least three in Bogota
Bogota City sungah abeisa sawtpipek akipan Security pen kikhan mahmah a, Police leh Military kikhan in khuasung lampi te ahzong CCTV kikoih kawikawi hi. Tuaban ah khuasung lamzikpi te ahzong thautawi Armed Officials pawlkhat Duty kikoih hi.
Hunkhatlai in Shopping Center akilut ciangin Bags khempeuh Checking kibawl masa tangtang ngei hi. Ahi zongin abeisa nungkumdiak panin Bags te Checking kibawlnawnlo hi.
Related: Colombia gamah mencim hangin mi 306 si, naupang 92 kihel ~ ZD
Nungkum sungin Revolutionary Armed Forces of Colombia (FARC) tetawh kilemna Peace Accord letmat aki thuhkhitzawh lungmuangtak in aki om laitak in Shopping Mall sungah Bomb apuakkham ahihi. Sawltak #zomidaily
Comment piaknop aomleh...