Sengam ah Hotel khat meikang, mi 10 si, aliam tampi om

Sengam ah Hotel khat meikang, mi 10 si, aliam tampi om

Eastern China ah tuni Saturday (Feb 25) ni in Hotel khat meinakkat mahmah a, mi 10 in sihlawhkhin cih Xinhua News pan kiza hi. Meikatna pen Jiangxi Province ii Capital khuapi ahi Nanchang sung aom “HNA Platinum Mix Hotel” ah ahihi.

Meikuang pen huaisia mahmah ahih manin meiphelh Firefighters te’n nai 2 sungbang aphelh ngekngekkhit uhciang in phelhsiangzopan uhhi.

Hih Hotel tawh akizom in akilam Storey 24 apha Apartment Building khatsung ahzong ateeng mi 260 bang apha hi a, Hotel mei akat ciangin tuate amanlang in ki hemkhiasak hi.

Video Footage sungah akimuhna ah Hotel meikatna panin meikhupen samahmah a, Building ii kongkhak te panin meikhu lengkhia nainai in atungah vombiaibuai in khutogawp hi.

Meiphelhna panin Firefighters te’n Hotel sung meikanglak sungpan in misiluang 7 mukhia uhhi. Tualo aliam mi 16 tezong zato ah apuakdingin aki paipih laitak in lamkal ah mi 3 sihbeh lailai hi.

Xinhua News te genna ah hih meikuang kipatna pen Decoration Materials pawlkhat aki attanna panin akipan ci uh a, ahi zongin athu akician in bangmah genkhiatna neinailo uhhi. Ahi zongin meikatna hangin Police te’n mi 7 mankhin uhhi.

Ten killed in China’s hotel fire; 350 evacuated in Taiwan blaze

China ah Fire Safety pen ki thupisimlo, thupi ngaihsutlo in ki omtheizel a, Fire Exits tezong kongkhak kihong theilo cihbangpeuh omthei hi. Tuaban ah meikat ciangin taikhiat nadingin akibawl Escape Passages kici lamzingneu tezong ki khakcipsa khawngin omthei ahih manin, mei akat ciangin innsung ah awkcipthei uhhi.

Tukha kipatlam inzong Zhejiang Province sungah Foot Massage Parlour akici khe kimeksakna munkhat meikanggawp in, mi 18 in sihlawh uhhi. ZD Sawltak #zomidaily