Selayang aom Homestay numei kisilbuk sungpan Spy Camera ki mukhia

Selayang aom Homestay numei kisilbuk sungpan Spy Camera ki mukhia

University sangnaupang akigawm in mi 31 te Holiday hunnuam zangdingin paikhawm uh a, zintunna kisilbuk sungah video aki zaihsim “Spy Cam” amuh uhciangin linglawng gawp uh cih theStar pan kiza hi.

Tua University sangnaupang 32 tepen numei 23 leh pasal 8 ahi uhhi. Kum 20 gualpawl vive hi uh a, May 09 ni in Selayang Homestay Property khatah hunnuam zangdingin atungkhawm ngeingai uh ahihi.

Numei khat akisilding ciangin adial Tower pen puankhaina ah akhaileh giklua ahih manin kiasuk hi. Tuapan in muanmawhhuai Microchip khat kisilbuk puankhaina “Bathroom Hooks” panin mukhia hi.

Hoihtak avel ciangin Camera Lens ahihlam theikhia ahih manin, amahzong alawmdang teng avek in zasakpah hi.

Tuaciang in alawmteng inzong kisilbuk khempeuh asitcianpah uhciang in adang kisilbuk te ahzong Spy Cam akithuah mukhia uhhi.

Tua sangnaupang numei khat ii apa in Selayang Police Station ah Report bawlpah in, tuakhit ciangin MCA Public Services and Complaints Department Head Datuk Seri Michael Chong tungahzong zasakpah hi.

Tuaban ah kisilbuk pan amuhkhiat uh Microchip zong Technician khat kiangah a etciansak uhciang in Spy Camera ahihlam kiciantak in genkhia hi.

Police te’nzong hihvai tawh thukan kipanpah uh a, zintunna Homestay Operator leh tualai ah nasem gamdangmi Foreign Worker khatzong thudotna neipah uh cihi.

Hihbangin zintunna Homestay ah Spy Camera kikoih cih Complaint pen a 7 veina hita hi ci’n MCA pan Chong in genkhia hi.

Mipi, taangpizat “Public Toilet” Dailenbuk leh kisilbuk cihte ah hihbangdan Video zaihsimna “Spy Cam” ki thuah cih kizathei zelzel hi. Pasal te guaktangbel kuaman munuam kholkenci’n, adiakdiak in numei te kidop huai hi. Khualzinna lamkal dailenbuk, zintunna dailenbuk cihte ah pilvanghuai phadiak hi.

More: Japan gamah Phone panin dailenbuk a awng zontheihna Service ki panding

Hihtawh kizom in kidop huai khatah midang khatpeuh amau phalna omlo in Video leh Photo zaihsim pen lauhuai hi. Singapore gamsung ahzong nungdiak in Myanmar pasal khatin numei khat anikbawk tomtensim khat anuailam Video zaihsimsak ahih manin, thukibawl cih kiza ngei hi. Meileng leh Bus tungkhawng ah numei akidawkpian in atu te mawkzaihkhak leh thongsung hong tuntheiding cih phawk huai hi. ZD Sawltak #zomidaily