Najib patkhiat Satu Malaysia Clinic tepen Community Clinic ci’n amin kilaihding

Najib patkhiat Satu Malaysia Clinic tepen Community Clinic ci’n amin kilaihding

Malaysia gamsung ah abeisa 2010 kumin Prime Minister asemlaitak ahi Najib Razak in apatkhiat “Satu Malaysia Clinic” tepen “Community Clinic” ci’n amin kilaihding cih Health Minister Dr Dzulkefly Ahmad in genkhia hi. Satu Malaysia Clinic (1Malaysia Clinic) pawlkhatte pen amin kilaih, Rebrand kibawlding a, pawlkhat te ahihleh ki khakcipsuakding hi.

Health Minister Dr Dzulkefly Ahmad in agenkhiatn ah tulaitak Malaysia gambup ah 1Malaysia Clinic bekbek akigawm in 3461 om cihi. Tua Clinic tepen azaizaw, azat nuamzawding in 1400 sq feet in ki behlapto dinga, tuaban ah zatuilamsang nasem Medical Personnel, Pharmacist cihte kikoihding hi.

Tuaban ah Lab (Laboratory) aneu khattekzong kikoihding a, tua tungtawn in cina akilakte akisam aombangin Test kibawl theiding cihi.

Aomsa 1Malaysia Clinic panin Community Clinic ci’n akilaihna ahang ahihleh kipawlkhopna Community pen mitsuan in kikoih, Focus in kisemzawding ahih manin, aminzong Community Clinic cihtawh akilaihding cihi.

Health Minister ulianpa in hihthu pen tuni Wednesday (June 27) ni in Putrajaya ah Press Conference abawllaitak in agenkhiat hi a, tua agenlaitak in Facebook tungtawn inzong Stream Live in ki khahkhia hi.

Malaysia gamsung ah cina te kilahtheih nadingin akihongsa 1Malaysia Clinic te sungpanin akizanglai, akizuanlai Clinic tepen kizomsuak in, ahi zongin aminpen Community Clinic cihtawh kilaihding hi.

Ahi zongin 1Malaysia Clinic aomsa te lakah mipi in azatloh, akizuan khollo, nikhatin cina 50 zong akilaklo 1Malaysia Clinic tepen ki khakcipsakding hi.

Tulaitak in aomsa 1Malaysia Clinic te ah nasem Staff Member tepen Civil Servants vive hizaw ahih manin, tuatepen ki khawlsaklo in Community Clinics te ah ki semsuaksak dinghi.

Brand thaktawh akihongding Community Clinic tepen cina te zatui zaha kibawlna ciangbek hiloding a, cidamna lamsang theihhuai tuamtuamte ahawmkhia, mipi theihdingin agenkhia Community Clinic hidinghi ci’n Malaysia Health Minister pa’n genkhia hi.

Tua ahih manin akisamkin mahmah ahi Community Clinic akipattheih nadingin hongtungding July khasung in Upgrade bawltheih nading Budget ka vaihawmding hi. Budget akiatkhit ciangin aomsa 1Malaysia Clinic tepen Community Clinic ah Upgrade bawlnadingin ahun kha 3 panin kha 6 sungbang puahphatna kineiding hi ci’n genkhia hi.

More: Malaysia, Kepong vengsung ah damiah mi 4 te’n mineihsa asuhsak laitak Video ki khahkhia

Malaysia gambup muntuamtuam aom 1Malaysia Clinics (Satu Malaysia Klinik) tepen abeisa in Prime Minister asemlui Najib Razak ii apatkhiatsa ahihi. Malaysia gammi Citizen te zato akilah ciangin RM1 bekbek kila uh a, gammi te’n hamphatlawh mahmah uhhi. Gamdangmi te ahihleh atawmpen RM15 pan kipanin zato kilahman tamsakzawpah uhhi. Abeisa in gammakaipipa Najib ii asepsa khempeuh pen amin apuan nangawn in akilaihding dinmun hita a, hong khasiat huaiphial dektakliang hi. Sawltak #zomidaily

1Malaysia Clinics

Prime Minister Najib’s Budget 2010 includes funding for 50 medical clinics to provide basic medical services for illnesses and injuries such as fever, cough, colds, wounds and cuts, diabetes, and hypertension. Malaysia citizens are charged RM1 for treatment and medication. Non-citizens are charged RM15. Wiki