Sapna: Kha Siangtho khat bek sungah, hai khatpan dawn khawm dingin

Zomipih a kuama ciat,

Tu in i ngak lahlah ahi “Lungdambawl” hong tung ding hi ta a, “Immanuel” eite tawh hong om khawm Pasian leitung mawhna a pua khia dingin hong pai hun hi ta ahih manin tua Zeisu tu in hong suak kik kik nawn lo ding a, i lungsim sungah i suah sak hun hong tung ta hi.

Tua mah bangin tua Pasian i biak den hangin khat veivei ciangin i taksa tawh ki bia thei zel a, i lungsim khempeuh, I hatna khempeuh leh i kha tawh biak ding a lunggulh Pasian ahih manin lungsim leh kha tawh na bia un ci in Johan 4:24 na ah i Topa Zeisu in hong vai khak hi.

Tua tawh ki meilet in hong tung ding lungdambawl hunin i lungsim sungah Zeisu a thak in i suah sak khit ciangin tua Zeisu i lungsim khempeuh leh i kha tawh biak piakna nei nuam ihih manin a lunggulh a, kha lamah keu kisa in, thanem a kisa leh kha an a taw nuam khempeuh in tha i lak khop dingin i Topa Zeisu’ min in kong zawn uh hi.

Thagum hatna hang hilo, vangliatna hang zong hi lo, ka Kha tha bek tawh na ma na tun ding hi cih Pasian’ kammal a om mah bangin i nisim nuntakna ah gual lel i kisakna te Topa’ Kha tha tawh gual zawhna a la khawm dingin itna leh ngaihna tak tawh kong zawn pha pha uh hi.

Ani: December 26-28, 2014 (Friday-Sunday)
Amun: Full Life Church, Tulsa, OK
Ahun: 6:30 PM pan KST Lamlahna tantan

Dotnop a om leh kizop pih ding: Sm Vung

Tell: 918.812.3429