Pasal khatin sangnaupang 7 temtawh dawtlum, adangzong mi 19 liamgawp

Pasal khatin sangnaupang 7 temtawh dawtlum, adangzong mi 19 liamgawp

China, Shaanxi Province sung aom Yulin City sanginn khatah pasal khatin abeisa Friday ni in sangnaupang 7 tak dawtlum in, adangzong mi 19 bang liamsakgawp hi. Tuabangin agamtatna pen abeisa kum 10 hunlai in amahzong ki simmawhbawl, Bully thuakngei ahih manin, tuapen lungkimlo in hihbangin agamta cimawk hi.

Asi sangnaupang tepen Middle School akahlaitak uh hi a, numei 5 leh pasal 2 ahi uhhi.

Friday nitaklam 6pm hunpawl in sanginn geinai ah temta tawh adawtgawp hi a, aliam bekbekzong mi 19 bang phahi. Aliam tepen Local Hospital ah zatui Treatment kibawlding in kipuak uhhi ci’n Media te’n pulakkhia uhhi.

Aliam mi 19 tezong liamngawh mahmah uh a, Critical Condition tawh gimmahmah uh cisawnsawn hi.

Video: Seven middle school pupils were killed and 19 injured in a knife attack by a man who wanted revenge for the bullying he suffered at the school in the Shaanxi city of Yulin a decade ago.

Hih buaina vaitawh kisai in athu apianlaitak akizaihkha Video leh Photo pawlkhat Chinese Social Media tungah ki thehzakgawp hi. Video leh Photo sungah sangnaupang pawlkhat leilak ah silehnai tawh kidim in atuk leulau, sangnaupang pawlkhat aliamte pen akitawi aki taipih valval cihte akipan temta tawh adawtpa Suspect zong Police te’n akhut lehhensa in apaikhiatpih laitak kimuthei hi.

Tua temta tawh mi tampi adawtlum, adawt liamgawppa pen amin surname Zhao cihciang bektawh kipulak a, kum 28 aphakhin khat kici hi.

More: China ah numeino kum 15 aphapan khatin apa temta tawh dawtlum

Local News te genkhiatna ah abeisa kum 10 hunlai in hih temtawipa zong buaina apianna sanginn tektek ah sang akahngeikhat ci uhhi. Tua asangkah hunlai in midangte’n amahpen simmawhbawl, Bully mahmah uh ahih manin tuateng tudong alungsim sungah mangtheilo, khasia leh aheh suaksuak in phulkhiakik ahih manin, hihbangin temta tawh sangnaupang te adawtgawp cimawk uhhi. Sawltak #zomidaily