Thailand ah 7-Eleven saisung damiah ataihpa agamtatna khial kisa in ki gui awk

Thailand ah 7-Eleven saisung damiah ataihpa agamtatna khial kisa in ki gui awk

Thailand, Bangkok huamsung aom vanzuakna 7-Eleven Store khatah pasal khatin abeisa Tuesday zingsang tunglam in damiah taih in sum akigawm in Bt1,000 (RM127) puakhia cih The Nation te’n genkhia hi.

Bangkok, Lak Si District sungah Tuesday ni zingsanglam in Rifle thaukhat tawh 7-Eleven Store sungah damaih ataih ahihi.

Ahi zongin tuapa pen Friday zingsang in Vibhavadi-Rangsit Soi 33 vengsung aom mawtaw koihna “Garage” sungkhat ah amahleh amah ki gui awk in asisa in kimukhia hi.

Tua damiah ataihpa minpen Natthapong Sosut kici a, kum 29 aphakhin khat ahihi. Aluanghawm pen Friday zingsang 8am hunpawl in aki mukhia hi a, aluanghawm gei ah asimah in agelh “Suicide Note” honpikhatzong ki mukhia hi.

Tua asihma in agelhpen laimai Page 4 bang pha a, a innkuanpih te leh Police te tungah theihsakna in agelh ahihi.

Tua alaigelh sungah Natthapong Sosut in hihbang in 7-Eleven Store sungah damiah kataihkhak pen kakisik mahmah cihi. Tua agamtatna Crime hangin thongsung ah kakiat cipding ka ut hetkei hi. Ka gamtatna hangin atawmpen kum 15 sungbang thong kiatheiding kahih manin, tuasang in sileng hoihzaw ci’n aki gui awk cimawk hi.

Tuaban ah Police te theihding inzong lai nusiat a, 7-Eleven Store sungah damiah kataih laitak in kazat Rifle thau leh thauvui thautang “Ammunition” tepen midang kiangpan kangah hilo a, kei neihsa hi. Tuavai tawh kisai in Police te’n kanbehbeh, buaipihpih akulloding in kongtheisak hi ci’n gelhkhia hi.

Police te’n aluanghawm pen Autospy bawlding in zato ah puaksak uh a, asihna ahang taktak “cause of death” pen zato panin kankhiasakding uh cihi. Tuaban ah aki gui awkna phualteng ah Forensic Officers te’n hoihtak kancianna nei uh cihi.

More: Thailand ah Kawlgam numei abuansawm khat temta tawh kidawtlum

Hih damiah gutapa in hihbangin agamtatma in athuakding ngaihsunkhol hileh. A thongkiatding ngaihsunkhol hileh, damiah taihlo khading hi. Ahi zongin agamtat khitciang in ki khelkiktheih omnawnlo a, agamtatna kisik mahmah ahih manin, amahleh amah aki sihbawl hihtuak mawk hi.

Na khatpeuh ihsepma, ahoihlo khatpeuh ih gamtatma, lai ginalo (comment ginalo) khatpeuh ihgelhma, makai thunei ulian te khatpeuh gensiatna laihoihlo ih gelhkhiatma in ngaihsun kholthei hileng….. Sawltak #zomidaily