Russia te vanleng kiapen Terrorist te gamtatna hiding in ki ummawhlo

Russia te vanleng kiapen Terrorist te gamtatna hiding in ki ummawhlo

Dec. 27, 2016 : Lungdam bawl ni zingsang 5:25am local time (02:25 GMT) in Sochi airport panin Russiate vanleng mi 92 tuanna Tu-154 jet kici leng khia a, a len’ khiat khit a sawt loin Black Sea ah kia pen Russian rescuers ten a vanleng pum (parts) pawl khat Black Sea ah mu ta uh a, Russia ulian ten terrorist-te gamtatna hilo hi ci uh hi.

Hih vanleng tuahsiatna thukan (Investigators) ten bel a kiatna bang hang hiam cih thukhupna a neih nai loh hangun terrorist-te gamtatna bel hilo ding hi ci uh hi. Ahih hangin thu taktak a kitel theihna dingin vanleng black boxes tuinuai-a om dinga ki-ummawh nasia takin kizong lai hi.

Sochi pansan search and rescue branch of the emergency ministry spokeswoman Rimma Chernova in Tu-154 jet vanleng pum them pawl khat tuipi nuai metres 27 ah kimu ta hi ci-in zan in AFP news agencyte kiangah gen hi. Russia galkap ulian ten tui thukna mun luhsiam divers kici ten tui sung panin vanleng control mechanism them nih kimu ta hi ci uh hi.

Russian federal security service ten Tu-154 kiatna hang pen thu nam li : vanleng hawlte khialhna (pilot error), technical nasep khiahna (technical fault), vanleng tui hoih lo (bad fuel) man leh a engine sungah a om ding lopi (foreign object) om kha hiam cih kikan lai a, terrorist-te nasepna hi dingin ki-ummawh lo hi ci uh hi.

More: A 8 veina ZOSIAM Gospel Team te ni 15 khitteh kuantading

Russian Transport Minister Maxim Sokolov in siluang pawl khat Georgia gam-a om Abkhazia dongah tuihual in taai a, rescue workers ten search operation nasia takin nei uh ci hi. Russian defence ministry spokesman Igor Konashenkov in siluang 10 leh vanleng them (fragments) neunono 86 kimute Moscow ah DNA analysis dingin kipuak ta hi ci hi.
Source : Al Jazeera and News Agenciesk/ Thang Khan Lian