Russia in tukum sungin huih galvan te dalnading S-Trumf kici galkapte zatding apkhiat behlaiding

Russia in tukum sungin huih galvan te dalnading S-Trumf kici galkapte zatding apkhiat behlaiding

Jan. 13, 2017: Russian Aerospace Forces leh Western Military District’s air defense kici galkapte zat dingin Russia kumpi in S-400 Triumf missile systems thakte li tu kum sungin apkhia ding hi ci-in zanin Russian Defense Ministry in pulak ta hi.

Russian ministry press service in bel zanhal in hih S-400 Triumf air defense systems li Aerospace Forces ten 2017 sungin a zat ding un kipia khia ding hi na ci khin zo hi. Tu kum in amasa pen dingin S-400 pen Moscow kiim ah galdona duty (combat duty) dingin ki-apkhia khin zo a, galkap ten S-400 zat ding zia (training of operating and applying the new technology) sinna nei ta ding uh a, hih S-400 pen Northwest Russia air defense system a zat ding hi ci-in Western Military District spokesman Col. Igor Muginov in ci hi.

Russia in anti-aircraft missile regiment galkap ten S-400 Triumf system galdona-a a zat dingun Crimea ah kikoih khin zo hi ci-in zanin Southern Military District in gen a, galkap ten training kikna leh a kap ding zia ding training missile launches kici pen nung kum August kha-in sin khin (ong khin) ta uh a, tua pen Kavkaz-2016 strategic command-and-staff exercise kici galdo ding dan sinna a neih a lai un training man khin uh hi ci-in district press service in gen hi.

Nung kum in zong S-400s pen Sevastopol leh Foedosia a om Guards Air Defense Missile Regiment ten a zat dingun ki-apkhia khin zo hi. Russia in S-400 pen Syria ah khat koih in, S-400 sangin a hat lo zaw deuh S-300 zong khat Syria ah koih khin zo hi.

S-400 Triumf pen NATOten Russiate a ngimna uh dalna dingin Russia in galkapte zat dingin a ap khiat behbeh hi a, NATO ten S-400 pen SA-21 Growler ci uh hi. S-400 pen Russiate’ surface-to-air missile system hoih pen hi a, a hatna range pen 400 kilometers (248 miles) hi a, huih laka kizang galvante omna leh lenna theithei lianlian (capable of tracking) in kapsia thei a, ballistic leh cruise missiles nangawn kapsia thei hi.

More: Pa’ tungpan vangam malep nupa, innkuan hihnading thusim

S-400 pen khatvei kapna dingin $400 million (per fire unit division) man a, a kapkhiatna (launcher) 8 nei a, khat vei thu-in command leh support mawtaw (vehicles) panin missiles 112 tak kapkhia thei hi. 2015 in Russia in S-400 kapkhiatna 152 bawl khia khin zo a, galkap divisin 19 ten zang ta uh hi.
Source : Sputnik and Wikipedia/ Thang Khan Lian