Russia in Arctic ah Nuclear Icebreaker bawlkik

Russia in Arctic ah Nuclear Icebreaker bawlkik

Feb. 1, 2017: Russia in Arctic ah nuclear icebreaker Lenin kici a lak khiat khit kum 30 khit nungin Arctic ah nuclear icebreakers bawl thak hi. Arctic kiim pen Canada, US, Norway leh tu nai diakin China in galvan lamsang a kidemna mun ahi hi. Russia in Arctic ah nuclear icebreaker a bawl pen 1991 in Soviet gam tampi in a kikhen khit nung adingin galvan a lam kikna nasia pen hi lai a, Soviet gam keek ma-in galvan lamsang ah a hatna uh a lam kikna ding un a bawl uh hi ci ci-in uliante, military analysts leh government document review ten ci uh hi.

Arctic kiim pen Saudi Arabia gam sangin hydrocarbons kizang nai lo (reserved) a tam zawkna mun hi a, tua hangin Russia in hih mun ah galkap thahatna ding nasia takin lam kik ding hanciam hi. Tua dingin President Vladimir Putin in Russia in a nusiat sa gal vilna mun, huih lak panin galvilna mun leh radar phual bawl phatna dingin thupia hi. Arctic kiim pen a leitang golna million square mile ahi hi.

Russia in Arctic ah nuclear icebreakers thum lam kik sawm a, a lam kikte pen leitung adingin nuclear icebreaker gol pen ahi hi. Arctic kiim ah ice breaker 40 kiim om a, tuate lak panin guk bek nuclear tawh kithuah hi. Arctic kiim-ah nuclear breaker teembaw nei om lo a, nuclear ice breaker pen galkapte leh nautangte zat teembaw in kizang hi.

Russiate’ Northern Fleet kici pen Kola Bay vuk tui kianga om Murmansk pansan hi a, amasa pen dingin nuclear icebreaker leh ice capabe corvettes (vuk khal thuak zo galdona teembaw dalna ding) kici leh cruise missile tawh kithuah in kibawl ding hi. Russia in Arctic ah nuclear icebreaker a bawl manin US zong na patau pah a, kha guk sung om dingin US Marines 300 kiim tu kha-in Norway gam ah sawl pah hi. Hih pen US in Galpi Nihna khit nungin Norway ah galkap tam a sawlna pen hi lai hi.

More: USA ah Kawlgammi khat mawtaw Accident in si

Russia in 2014 in Ukraine panin Crimea laksak hi (a man takin Crimea ten referendum vote khia in a tamzaw deihna tawh Russia a beel ahi hi) ci-in North Atlantic Treaty Organization (NATO) in ngawh pongin tua khit nung NATO member gam gukin 2015 panin Russia kiim-ah galdo ding dan sinna na nei uh hi.
Source: Reuters/ Thang Khan Lian