Russia numeikhat cikhum kihuanna tuisa mahmah lakah kia in sipah

Russia numeikhat cikhum kihuanna tuisa mahmah lakah kia in sipah

Russia gamsung ah numei khat cikhum kihuanna belpi sungah kiasuk in ahingtang in kihuanlum cih Daily Mail pan kiza hi. Russia, Belgorod Region aom Stary Oskol khuasung ah thupiang ahihi.

Tua numei pen kum 36 aphakhhin khat hi a, aminpen Natalia Nemets kici hi. Amahpen Confectionery Factory ah nasem hi a, cikhum kihuanna aso vanvan laitak Tank golpi sungah kiasuk cihi.

Cikhum kihuanna pen atuizong anaang mahmah, khangkhuai pholok ihcih tedan in Caramel apiangta ahihi. Sat cihtak in asa mahmah, aphul litlit Tank golpi sungah kiasuk in, anaseppih te’n akhe bek ka galmuhman uh ci a, bangmah hotkhiattheih zong omvetlo hi.

Amahpen hih Caramel akibawlna Mixer te asiansuah hi a, thakhatthu in Caramel tuite belpi sungah aki butsuk ciangin amahzong akiakha kici hi. Bangmahzong awngzolo, akap cihbangzong kizalo in cikhumtui samahmah lakah asisuakpah cihi.

Tua akiatna Bowl golpi sungpan in Caramel tuite aki hepkhiat khitciangin aluanghawm pen ki lakhia theipan hi.

Newspaper Komsomolskaya Pravda te genkhiatna ah hih numeinu pen Factory sung ama nasep nading munah mulo uh a, tualianleh amahpen Caramel soziahziah lakah akiasuk nahimawk a, akhebek ki galmuhman cihi.

Caramel tuite pen asa mahmah, aso ziahziah ahih banah asungah buhtei bangin akipei ziahziah sikpek “Blades” zong tampi om cisawnsawn hi. Tank golpikhat asiansuah laitak in anuai ah cikhumtui kihuanna Bowl sungah kiasuk in, akiatzia pen kuamah in akician in gentheilo uhhi.

Banghang in hih Natalia Nemets pen Bowl golpi sungah kiatheihiam cihpen namnih, Version 2 omding in ki ummawh hi. Amasapen ahihleh ama nasepna ah Air Temperature khauhlua ahih manin, alung amvat in anuai ah Bowl sungah akiasuk hitheiding kici hi.

Adangkhat ah amahleh amah kisuikha maw, sikkhialmaw in ki Balance theinawnlo in akiasuk hiding kici hi. Hihvai tawh kisai in Labour Commission te’n hoihtak kancianding in akipanta uh hi a, ni 15 sungah amukhiatna uh Result pulakding cihi.

Hih thupiang pen October 20 ni pekin thupiang hi a, ahi zongin Slavyanka Confectionery Factory sungah thunei Management te’n imcip uh cimawk hi. Factory Workers te kiangah hihthu apualam ah agenkhia peuhmah nasep panin ki khawlsakding hi ci’n lauthawngsak uh cihi. Tuahang in aki theikhia paklo cihi.

More: Russia gamah kum 3 aphakhin naupang lamdang: amuk, akhazum omlo in suak

Ahi zongin hihthu pen Social Media tungtawn in aki thehzak ciangin Investigative Committee te’nzong hihthupiang pen atakpi cih theikhia uh a, aki kancianpah ahihi.

Local pawlkhat te genna ah tukumsung pen hih Factory te tuahsiat kum hi. Hihtawh mi luang 3 tak asihna hi ci’n genkhia uhhi. Ahi zongin adang asi mi 2 te thupen apualam ah kuaman theilo kici hi. ZD Sawltak #zomidaily