Romania gam lungphona hangin kumpi in nekgukna tawh kisai thukham thak abawl zukkik

Romania gam lungphona hangin kumpi in nekgukna tawh kisai thukham thak abawl zukkik

Romania gamah Communist atuk khitzawh lungphona nasiampen hangin kumpi in nekgukna tawh kisai thukham thak abawl zukkik – Feb. 5, 2017: Romania gamah 1989 in Communist tawh gam ki-ukna a tuk khit zawh kumpi in small-scale government corruption kici nekgukna a kigolhte thukham palsat bangin ciamteh loh ding (decriminalised small-scale government corruption) hi cih thukham khauh mahmah a bawl manin ni guk sung bang lungphona nasia piang hi.

Lungpona nei pen mi 330, 000 val a, Romania khuapi Bucharest bekah mi 150,000 bang pha zo ahih manin lungphona lak panin a nasia pen hi lai hi. Lungphona neite leh policete kinawktuahna hangin police thum in liamna tuak hi. Tu ni-in Romania kumpi in emergency sam a, a thukham bawl pen zuk kik (repeal) hi.

Nung kal in Romanian government a nawngkaihuaipi “controversial emergency law decriminalizing abuse of power and corruption offenses by public officials” kici kumpi nasem nekgukna a kigolhte leh a za liatna uh a khenval a zangte dan pua ah koih lohna dingin thukham khauh mahmah (decree) na bawl a, tua thukham pen February 10 panin zat ding ci-in na pulak hi.

Romania kumpi in kumpi nasep Romania sum 200,000 lei (about $47,680 US) nekgukna a kigolhte kum nga thong ah khum a, maisak ding leh kum ham zaw diakte (kum 60 tung lamte), numei naupaaite leh ta tawm cik a nei nu leh pa nekgukna a kigolhte kum nga nuai thong ah khum ding hun khiam suk ding hi a cih mawk manin mipi ten hih bang thukham deih lo uh hi. Hih bangin kumpi in thukham a bawl manin thukham palsat a kimawhpaihte (convicted felons) thonginn panin mi 2,500 tak kikhah khia ding hi.

Romania kumpi thak pen December in kiteelcing hi a, hih bang thukham a kibawl pen Constitutional Court a criminal code om tawh kituak a kibawl hi ci pong hi. Kumpi in hih bang thukham a bawlna thu a kitheih in nilaini in Bucharest ah mi 150,000 in lungphona nei pah uh a, Friday leh Saturday in lungphona nei mi Romania gam sung mun tuamtuam ah mi 330,000 val pha hi.

More: Bank ATM panin Cyber Hacker te’n sum tampi gukhia

President Klaus Iohannis in kumpi’ thukham gum tentan veve a, a kizuk kik hangin hih thukham pen Constitutional Court ah ka hek ding hi ci hi. Business Environment Minister Florin Jianu in bel hih bang thukham a kibawl manin ka sepna panin ka kitawp ding hi ci hi. Senate President Calin Popescu-Tariceanu in Romania gam linglawng gawp sakna dingin lungphona neite tawsawn in gam tuamtuam kigolh a, tuate lakah Russia leh EU kigolh hi ci-in ngawh leuleu hi. Source: Sputnik/ Thang Khan Lian