USA, Nashville pan Rev. Eddie Ngin Hang (Mualzang, Thawmte) in hongnusia

USA, Nashville pan Rev. Eddie Ngin Hang (Mualzang, Thawmte) in hongnusia

Mangpha Rev.Eddie Ngin Hang (Kum 67) Thawmte Beh – Mualzang khuami Nashville, TN USA aa ateng Rev. Eddie Ngin Hang in abeisa September 22, 2020 in sunglam damlohna tawh hongnusia chih thu izak man in ZIUSA kipawlna mintawh dahpihna i pulak hi.

Sia Hang pen Zomi Innkuan Tennessee ah member khat leh ZIUSA Genvai member onglut ni 4/30/2019 akipan tunidong active member khat ahih manin thumeilet zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Sia Hang luanghawm tawh anunungpen hunzatkhop ding hong tungding Saturday September 26,2020 in (ZBC) pawlpi makaihna tawh 4930 Nolensville Pike, Nashville TN, 37211 ah Memorial Service bawl khit ciang, Rev. Thang Za Pau in han ah vuina nei ding hi.

Sia Hang hong nusiatna hanga adahakap alungleng khuangai Innkuan pih tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh Mun Mang (Genvai tanupi – Zomi Innkuan USA, Inc.)

R.I.P. Rev. Eddie Ngin Hang

Kong it mahmah ka gang aw, ka pu zong nahi-a, ka gang zong na hi hi. Leitung nuntak na hu atawpna sangkha cih ka theih manin kadah mahmah hi. Pasian nasepna ah ahizongin, gam leh minam ading nadeih sak te zong mite’n hong thei khin aa na nasep a zo khin ka ci hi. Zomi te nadeih sak bek hilo, kei mahmah nong itna, nong deih sakna, nong pantahna hang bek tawh hiciang atung kahi hi. Ka khan sungin kong mangngilh ngei kei ding hi.

More: Zogam leh Zomi Pharaoh le David

Zato pan nop tuamna na ngah ciang ka Ni khiangah nong kan mahmah zong nong itna lian mahmah hi cih ka thei hi. Anuam in kiho thei suak ihhihmanin tua in ka kha hong muang sak hi. Leitung luah ding kua mah ki omlo, Pasian laitansa ni kua man pelh theilo cih tawh na kilungnuam sak ung. Nang nahih leh TOPA Zeisu tawh mang khawm ta nahihmanin na nusiat innkuanpih te, na tu na ta te, leh na Zomi pih te aading thu hong nget sak lai aw… Gang. Mangpha, zal mangpha. Billy S Kam