Rev. Khoi Lam Thang Gangaw tunmadiak ah mawtaw Accident

Rev. Khoi Lam Thang Gangaw tunmadiak ah mawtaw Accident

Rev. Khoi Lam Thang pen Matupi panin Kalaymyo lam zuanin aciahsuk laitak Gangaw atun madeuh in mawtaw Accident cih kiza hi. Tusun 11:00am hunpawl in atuahsia cihi.

Sia Khoi Lam pen Zotung Laisiangtho apna ah avapai hi a, zanni Laisiangtho apna hun amankhit ciangin tuni hongciahkhia ahihi.

A thu a cingin na theihnop uh leh Sia Mungpi, Phone ‎09428015144 ah ki hopih theiding cih Thawng Kop Tung (Bible Society) tungtawn in kiza hi.

Accident na hangin Siapa in a veilam siakmit, ataklam liang, alei leh abiang sung lamteng nasa ahih manin Gangaw zato ah kilakmasa cihi. Tualai ah tawmveisung aki bawlkhit ciangin 8:22 Kalaymyo lamzuan cihthu kizak beh hi.

Siapa natna liamma khempeuh panin damsiangna hong ngahmengmeng theih nadingin thungetna ah phawkciatni.

Sia Khoi Lam Thang pen Kawlgambup “Bible Society of Myanmar” ah General Secretary aseplaitak ahihi. ZD Sawltak #zomidaily

Hehpihna tawh:

Leitung muntuamtuam aom Zomi khempeuh in ki theinuam mahmah ahih manin, Siapa vaitawh kisai ahunhun in athu atheihbeh masasa in anuai a Comment Box sungah hong Update unmaw.

Update: 14 Feb

Feb 12 2017 Sunday ni in Matupi Township Sempi khua ah Zotung Minamte Lai Siangtho honna, apna a neihpih khin Feb 13 Kawlpi lamzuan a hong kikha PRADO tawh. Gangaw tunma in Motor speed tamdeuh aitam accident uh hi. Gangaw Zato kipuakin tuapan Kawlpi Zato zan 12:15 pawlin hong tung uh hi. Akhe veilam siakmit kilawii, nasa mahmah. A awmsung zong nasa. Aleii leh a kamsung petkha gawpdan.

Accident na uh lam khangah pi 400 valbang kiadan uhi. Zato ten Xray hong kapsak pah uh a, aguh lampen asia lua omlo hileh kilawm. Aizongin nasa mahmah himai hi. Tu in Zato ten zatui hong sutsakuh a a ihmut mahmah laitak hi. Sianu leh ani uh Cing Lian in Ygn pan hong delhto uh a Mandalay ah tuzan tamin zing ciang Vanlengtawh Kawlpi hong sawm uhi. Thunget phawk ciatni