Si akicih vaitawh kisai in Rambo in kasi naikei hi ci’n gencianna nei

Si akicih vaitawh kisai in Rambo in kasi naikei hi ci’n gencianna nei

Hollywood Actor minthang mahmah, Rambo ci’n aki limtheih phadiak Sylvester Stallone pen zanni in sihi ci’n Social Media tungah ki thehzak hi. Anatna pen Prostate Cancer akici ciltang natna tawh asi kicisawnsawn hi.

Ahi zongin Sylvester Stallone in amazat Official Instagram tungtawn in kasi naikei hi, ka nungtalai hi, hih thuthangpen ziauthuthang hi ci’n pulakkhiatna neikhia hi.

Rambo sita hi ci’n agelhkhiapen in “So long champ. Sylvester Gardenzio Stallone died early this morning after his battle with prostate cancer, the actor kept his illness a secret, but in the end he couldn’t beat it.” ci’n Instagram tungtawn mahin agelhkhiat masa kici hi.

Rambo inzong amazat Instagram tungtawn mahin gencianna neikhia in, “Please ignore this stupidity… Alive and well and happy and healthy… Still punching!” ci’n gelhkhia hi.

Actor Rambo in Instagram tungtawn in anuai abangin gencianna nei

https://www.instagram.com/p/BfYrkJwDINl/?taken-by=officialslystallone

Ka nungtalai, kaci damlai, cidam lungnuam in ka om a, ka tumtumlai hi ci’n gelhkhia hi. Tuaban ah Video Clip tomnono zong akhahkhiat pawlkhat om a, sihna panin thawhkik pen anuam himawk ei cihsanlel hi.

More: April Fools’ Day: Tuni hong kigen khempeuh umpahpah ken!

Mihinglai, mi nungtalai khat sihi ci’n Hoax News ki khahkhiatsak, zuauthuthang ki thehzaksak pahpahzong bang ngimna uh himawkding hiam? Asawtlo in April Fool hongtungto zelvencin, makaikhat, lasiamkhat, mi minthang khatpeuh si kicihsak ziauziau zelvencin. Sawltak #zomidaily