Cahokia Leivumpi (Cahokia Mound)
Cahokia Leivumpi te (Mounds) pen USA, Illinois gam taw-lam St. Louis, Missouri tawh ki ngalsai (across) Mississippi gunpi dungto ah om hi. Hih munah tuma AD 600 pan 1400 sung Native American ten nasia tak-in khua na sat uh hi. Tua hunlai-a a khua uh pen a kimkot Tai 6 (6 square miles) bang pha-in a sung-ah a lian mahmah leivum te (earthen mounds) 120 bang a lim(shapes) tuamtuam a phacia(sizes) tuamtuam leh kimannang(functions) tuamtuam in na bawl uh hi.
Tuhun ciang acres 2200 (3.5 square miles) sung khawng-ah tua Leivumpite 80 kiimkhawng mitmuh dingin omlai hi. Hihmun pen US gambup-ah a lianpen archaeological (mihingte tawh kisai tangthu khempeuh kanna) mun in ki ciamteh hi. Hih lai-ah a thang phadeuh pawl ah Siampute Mual (Monks Mound), Mandatpi (the Grand Plaza), Kulhte (Bastions), Khualai Innpi (the City Center), Vumpi72 (Mound 72), Vumpi 32 (Mound 34) leh Sing mualsuang (Woodhenge) cih teng a hihi.
Siampute Mual (Mouks Mound) pen a lianpen leivumpi hi-a khua sung-ah a thupi pen mun hi. A vumpi-a ki ciangto hi-a innka(terraces) li nei-in dawlsawm (ten stories tall) pha hi. Pi za (100ft) sang-a pi 951 sau-in pi 836 in zai hi. Tua dawn ah Innpi pi 105 sau, pi 48 a zai, pi 50 bang a sang khat ki lam lai hi.
Mandatpi (the Grand Plaza), Siampute Mual tawh a ki zom suk-in a khang lam pang-ah acres 50 bang a khuh Mandatpi khat ki lam hi. Tua pen pawi bawlna, ki kaihkhopna leh ki mawlna tuamtuam in zang uh hi. tua ban ah mandate lian pi thum Nunglam-ah khat, Mailam-ah khat leh Saklam-ah khat cih bang-in nei lai uh hi.
Khua sung-ah thunei lamte vengkiim teng-ah kulh ki ciang zong ki mu thei hi. Tua ban-ah a dung tai khat bang a sau Seng (diamond) lim-a ki lam khua lai innpi zong ki mu thi hi. Tungtun nu 72 ki ciang huan Mound 72 kici khanpi khat leh 34 ki ciang khawm mound 34 te zong ki mu thei hi. Mitkha tawh a munuam te-a ding Tom-Kim-Cing in a nuai-ah ki en thei hi. Andrew Khai
Comment piaknop aomleh...