Mangpha khakna: Australia, Queensland ah hongnusia Rev. Neng Do Lian (Lingthuk)

Mangpha khakna: Australia, Queensland ah hongnusia Rev. Neng Do Lian (Lingthuk)

Mangpha khakna (Final Greetings) Rev. Neng Do Lian (kum 57) :: A zahtakhuai Siapa aw, ni 17/05/18 Thursday ni-in upmawh loh lamet hetloh laitak, hici bang, nong nusiat vat manin Brisbane, Queensland, aom na mipihte leh muntuam, gamtuam aom sangam meltheih akua mahpeuh ka dipngek uh na-in zalmang hizaw leh maw kaci uha, khohtheih, lettheih khat hi leh akua mahpeuh in kong khonuam uh hi.

Kumsim, Zomi Nam Ni, Sialsawm leh Khuado Pawite ah I Zomi Innkuan khantohna ding, na pilna, nasiamna, na neihsa sum leh pai van leh nate, itsitlo in ma nong pan’ nate mangngilh theihding ahi kei hi. Tua bang hunte hong tunsim in akua mahpeuh in kong phawk mahmah ding uh hi.

I biak Pasian leh I minam khantoha nading, citak tak-in na hunsan atawp dong, ma napan manin zahtakna kong pia uh hi. Nuamtak napai in. Nang a hampha hiteh. I hun leh ni ki bang nawnlo ahih manin thangvan tualnuam Sian anglai ah I ki muh kik mateng mangpha, manni. Na kha lungnuam in na tawldam hen.

Zomi Innkuan EC aitang in,

Revd. Do Khan Khai
President
Zomi Innkuan Australia.

Tangthu tomthem

Rev’d Neng Do Lian pen 15th March, 1961 in Ling Thuk Khua ah piang in, Tawmging (Tawmging) beh hi. Pu Sawm za Suan leh Pi Vial Ning te sungpan a piang ta Pasal 4 leh ta numei 1 lakpak in aneupen nihna hi,

Rev’d Neng Do Lian in a pu te leh a sanggam te deihsak luatna leh ama’ it luat mahmah khat ahi Nu Man Ngaih Cing tawh 13th December, 1982 in Ling Thuk Khua ah kiteng uh hi,

Rev’d Neng Do Lian laaiguizop pianpih te

• 1. Vung Za Kam (USA)
• 2. Niang Za Man (Ling Thuk)
• 3. Zam Zan Nang (L)
• 4. Rev’d Neng Do Lian
• 5. Ngin Muan Pau(Delhi)

Rev’d Neng Do Lian leh a Zi

Nu Man Ngaih Cing te sungpan a Piang tanu tapa te:

• 1. Nu Niang Ngaih Lun+ Pa Kam Khan Gen (Delhi)
• 2. Nu Niang Suan Lian+ Pa Hau khen Hang ( Australia)
• 3. Nu Pau Za Man+Pa Go Siam Kham(Delhi)
• 4. Lia, Cing Khawl Ngai(L)
• 5. Pa Suan Za Pau+ Nu Niang Sawm Cing (Malaysia)
• 6. Tg,Go Muan Khai
• 7. Tg, Kam Lian Kham
• 8. Tg, Nang Zo Thang
• 9. Tg. Pau Khup Mung
• 10. Tg, Dal Khan Mung (L)
• 11. Tg, Dal Za Kham
• 12. Tg, Za Lian Huam
• 13. Tg, Sian Lian Mang
• 14. Lia, Niang Sian Len
• 15. Lia,Niang Lian Sang

Sia Rev’d Saangkahna te:

• Kawlgam kumpi saangah tan 8 zo hi,
• Tahan, Kalaymyo ah kum 2 in khaguk sungta thusinna neihi,
• 1998 kum in Yangon panin Diploma of Theology Lukhu pahtawina lai na ngah hi.

Sia Rev’d Neng Do Lian Pasian nasep nate:

• Dr. Pum Za Thang tungtawng in 1975 kum in gupkhiatna ngahin, apianthak hi,
• 1984-1990 Kum in Ling Thuk khua, BBC (Biblical Baptist Church) pawlpi ah Upa sem hi,
• 1991-1994 kum in Ling Thuk khua, CBCM (Christian Baptist Church of Myanmar) te in Evangelical in zangh uh hi.
• 1955-1997 kumin Ling Thuk khua, CBCM ah Assistance Pastor sem hi
• 1998 kumin Rev’d Phunduma, Rev’d Khuang Nawni, CBCM Biakinn pipan Ordination ngah hi. Tua kum maha kipan in Ling Thuk khua, Kawlgam CBCM ah Senior Pastor sem hi.
• 2010 kum in New Delhi ZBCM Pawlpi ah Pastor sem hi.
• 2013 kum in a kipan in hong nusiat ni dongin Australia gam, Brisbane Khuapi aom hope centre (Zomi) pawlpi ah Pastor sem hi, a tomno in tuazah suahkhia hipak hangh! Thawng Deih Piang

Zomi Pastor khatin Australia pan hongnusia; Rev. Neng Do Lian

Australia; Quensland ah Hope Central Church Pastor semlaitak Rev.Neng Do Lian in hongnusia hi. May 16, 2018, Wednesday in tuk in Zato kipuaka akhuak ah Zatote in sisan om ci uh in; 10:30am in Zatopan sita hi.

1. Khualui leh Nasep Ngei

Khualam Lingthuk ah lokhawh kom in, CBCM-Christian Bapistich Church of Myanmar ( CBC Min masa) Tahan a Pu Suan Do leh Rev. Khuang Nawni leh Rev.Phun Duma te makaih ah Kum 1995 ~2009 CBCM ah Church Pastor sem ngei hi.

2. Delhi A Pastor Sem

June 13; 2010 in Delhi tunga ZBCM Pawlpi phut in; Church Pastor sem hi.Tu in tua Pawlpi ah Pastor Nang Suan Lian( Heilei khua ZBCM) in Church Pastor sem hi.

3.Behmin Leh Innkuan

Abeh Tawmging (Tawmbing ) azizong Tawmging beh Nu Mang Ngaih Cing a hi hi.Pasian thupha Ta 13 dam Pasal 8; Numei 5 nei hi.

4. Tatam aneih Delhi pan UN ten Gam 3 na zuansak

Delhi ah UN ngak uh a; India Vaite in mitampi 5 sangtamzaw innsap deihlo uh in; Tate hang in haksatna atuak uh abat hang in; Zomi makaite leh Delhi a Pastor pate in Innkuan tam haksatna tuak UN ah genpih uha; manlang in Pasian thupha sang in kum 2011 in Delhi pan Australia tung pahuh hi.

5. Pasian Thu upna leh Thucin

“Hehleng gimhuai I hehciang Nuikhia teitei ding cin” Nuntakpih hi.

A Piang nakhempeuh ah Topa tungungkim un cih sihsan in; Nuntakpih ing. A upna leh amuanna thupi mahmah hi.

Sasan leikho in Thungen a, Tangngol in lopateng zankhatthu gai in zasan nelo hi. (Adang tampi om lai hi.xx)

6. Sihun May 16; 2018 Wednesday Am 10:30 (Local Times)

7. Vuihunding

Ahun (Time) 10:00am (Local Time) Ani (Date) May 26; 2018 Sat

Amun – 55 Jackson Road, Sunnybank Hills, Quensland; Australia

Topa in Hong tawldamsak ta henla; Adah akapte Pasian kha in hong hehnem tahen. Cidam in kimukik ni.

Kham Lam Tuang
Tahan