Pyidawtha zinna: Rev. Dr. Thuam Khan Thang

Pyidawtha zinna: Rev. Dr. Thuam Khan Thang

September 3-8, 2014 sung Pyidawtha Tuiphum pawlpi pan hongsapna hangin tentan pia leh nitaksim thuhilh in kana zin hi. Ka tentan pen Mal 3:6-10 na sung a sehsuah piakna thu ahi hi. Nitaksim leh nipi sunin hunzatna kanei a, 6 vei thu kahilh hi. Tentan ah nisimin mi 150 kiim hong kah den uh a, thalawp huai mahmah hi.

Sialsawm sung ahih manin, nisimin anne hong kisam kawikawi hi. Choir kidemna om sak uh a, ngaihthei mahmah kasa hi. A awte uh tung mahmah a, ngaih mahmah hi. Thu kimang mahmah uh a, lawpthei mahmah uh hi. Pyidawtha Sialsawm pen Buhno suankhita ah bawl uh hi a, a ngiimna uh pen US-te Thanksgiving tawh kinaih kasa hi. Tuiphum pawlpi pen inn 350 val pha hi.

A etteh huai mahmah pawlpi khat na hi hi.

Nitaksim ka thuhilhte:

1) Mimal Tapidaw suahna;

2) Mukgah Pasian na mungei hiam?

3) Mawh maisakna;

4) Khangnote nuntak zia ding;

5) Na tuanna mawtaw, bang mawtaw hiam?
Rev. Tuang Kap in pension alak khitteh khamlam Mualnuam ah leitang leiin lo bawl hi. Tu ciangciang Eka 5 kho a, Dolno Kung 2000, Tangsing no kung 1000 leh Lenggah kung 500ka suan khin hong ci hi. Laiteng pen Eka 100 kalei khin, ka behlaplap hi ci hi. Japan pan, US pan a endingin mi hong paizeel ci hi.

Thuam Khan Thang
Tedim