Putin in International Terrorism pen asimhuh leh alangtang ahuh om ci

Putin in International Terrorism pen asimhuh leh alangtang ahuh om ci

Feb. 16, 2017: Russian President Vladimir Putin in leitunga dipkuatna piangsak kipawlnate (international terrorist groups) pen a min ngeina (formal) nei (de facto) “de facto terrorist armies” hi uh a, gam tuamtuam panin a sim tham (covert) leh a langtang (direct) in huhna ngah ahi uh hi ci hi. Middle East, Asia leh Africa gam tuamtuamte ah sisan naisan suahna mun tampi ah piangpiang lai a, buaina mun tuamtuam ah kigolh uh hi. Hih “de facto terrorist army-te” in gam tuamtuam panin a guk leh a langtangin huhna ngah den uh hu ci-in Putin in Russian Federal Security Service (FSB) meeting ah tu ni-in gen hi.

Putin in leitung om zia tu lianin bit loin tona (challenges) leh vauna (threats) khang semsem hi ci hi. A beisa kum in leitung om zia a ngeina bangin bit tuam lo a, tona leh vauna thak hong piang beh in, leitung ah politics leh economic kidemna leh kigal neihna hangin leitung bup leh gam kuam khat sung (regional centres) ah thuneihna kituhna khang semsem hi ci hi.

Putin in FSB ten Russia gamgi zangin guihtheih, galvan leh biological galvan bawlte sim a puakte a dalna dingun thupia hi. FSB makapi lui leh tu lianin Russian Security Council makapi ahi Nikolai Patrushev in zong leitunga gam pawl khat leh company minnei mawhmah pawl khatte terrorist-te tawh kipawl uh hi cih thuman tawh a lahna ding (proof) kinei hi ci hi.

“Gam pawl khat leh company lian pawl khatte tawh terrorist ten kizopna nei uh hi cih thuman tawh lah theihna kingah zom zel a, hih ten terrorist-te tung panin datsi/gimnamtui (oil) leh van bawlna dinga kizangte (raw materials) ngah uh a, terrorist tawh kipawl ten hih bangin a sum bawl theihna ding uh phalna (permit) pia in, amau ukna leitang sungah terrorists ten a vante uh a zuak theihna dingin suakta takin gamtangsak in, sum nangawn tawh uh uh hi,” ci-in Rossiyskaya Gazeta newspaper ten a interview na ah gen hi.

Russia in Iraq leh Syria gam panin terrorist-te vauna hong pai khiat lohna dingin a beisakna dingin na kisem zom zel ding hi ci-in gen beh hi. Source: Sputnik/ Thang Khan Lian