Malaysia, Puchong meileng lampi sikzawn tungah pasal khat meileng in taihlum
Malaysia khuasung kikawmna LRT (Light Rail Transit) meileng lampi tungah tuni Wednesday zingsanglam in pasal khat asisa in kimu cih NST pan kiza hi. Tua pasalpa pen Pusat Bandar Puchong LRT panin apamdeuh 100 Meter aki gamlakna meileng sikzawn “Rail Track” tungah asisa in akimukhia ahihi.
Serdang district police chief Asst Comm Ismadi Borhan in agenkhiatna ah zingsanglam 7:51am hunpawl in hungetna “Distress Call” hongki zasak cihi.
Police te aphual ah atun uhciangin meileng sikzawn tungah pasalkhat asisa in na om a, apumpi apuansilh te avelcian uhhangin apumpi tungah bangmah ID “Identification” puak neilo ahih manin, asipa pen kua cih kitheilo hi.
Hihvai tawh kisai in NSTP te’n agenkhiat masakna ah LRT Passenger khat meileng lampi sikzawn tungah kiasuk in, meileng in gawikha in sihi ci’n pulakkhia masa uhhi. Ahi zongin tua aki pulakkhia pen athupiangzia taktak hihtuaklo, meileng lampi sikzawn tungah akiasuk in meileng in agawikha cih hihtuaklozaw hi.
Police te’n CCTV Camera footage te a etcian uhciangin tua asipa pen amathu in meileng lampi sikzawn tungah akumsuk kimuthei hi. Tuazawh asawtlo in meileng paiphei ahih manin, gawikha in asi hizaw ci uhhi.
Tua asipa pen midang khatpeuh in abawlsiat, ahih keileh gitloh gamtatna “Criminal Element” cihtezong kimulo hi. Tua ahih manin Police te’n asipa pen zukham in meileng lampi sikzawn tungah akumsuk hiam, ahih keileh amahleh amah asinuam, akisihbawl Suicide nuamin akumsuk hiam cihpen hoihtak kancianding uh kici hi.
Tuapa sihna pen atuahsia in asivat “Sudden death” cihtawh thu kibawl, kiciamteh phot in, aluanghawm pen Serdang Hospital ah asihna ahang kancianding, Postmortem bawlding in kipuaksak hi.
More: Malaysia, Puchong ah naupangno khat inndawl 14 pan kiasuk in silo bilbel
Hih buaina Incident hangin Rapid KL meileng tepen IOI Puchong Jaya leh Pusat Bandar Puchong kikal ziakaisaktuam pahhi.
Rapid KL te’nzong amau ii Company Twitter tungah hihvai tawh kisai in gelhkhia uh a, asawtlo in Official Statement khahkhiading ci uhhi. Sawltak #zomidaily
Comment piaknop aomleh...