Pu Penglam tawh holimna

Pu Penglam tawh holimna

Dotna; A hoihlam aa amute pen a bangci mi ahia?
Penglam; A thu kicing aa atheilo te.

Dotna; Vantung le Hell koi nuam zaw ding ahia?
Penglam; Vantung bel khuahun nop zaw ding aive … Hell ah bel meltheih tam zaw ding aive.

Dotna; Zato le thong bang kilam dang ahia?
Penglam; Ki lamdang lua kei e. Ahih hang thong inn ah bangtan om ding cih kithei ai ve.

Dotna; Sam kan loh nading bang cih ding?
Penglam; Sam mettol ding.

Dotna; A thuman mite kilei thei maw?
Penglam; Ki lei theilo. Ahih hang kizuak thei.

Dotna; Nuamna le dahna koi dan ahia? Gentehna hong gen dih ve.
Penglam; Sum ippi khat amu hi leng kinuam ding hi. Ahih hang anei a kitheih mawk le kidah kik ding ai ve.

Dotna; Bang cih leng kigawng thei pen ding ahia?
Penglam; Na gil kial ciang bangmah ne kei lecin gawngpah ni teh.

Dotna; Bang hun ah numei ten migensia lo pen aa?
Penglam; February kha. Ni tawm pen kha ahih man hi.

Dotna; Numei le Pasal bang kilamdang ahia?
Penglam; Numei ten deih hau uh. Ahih hang pasal khat bek tungpan hi sam.
Pasal ten bel deih khat bek nei uh. Hmm… numei tampitak tungpan himawk…

Dotna; Pateh a koici te kine theilo ahia?
Penglam; A vek aa kine thei e. Ahih hang pawlkhatte bel khatvei lianbek kine thei.

Dotna; Pasal te sang numei te khansau zaw acih aman mah maw?
Penglam; A kician lianin bel gen thei khang. Meigong nupite bel a pasalte uh sang khansau zaw cih bel aman mah hi ei.

Dotna; Innkuan nuam hih nading koi cih ding?
Penglam; Kum 70 ciang zi/pasal nei pan lecin.

Akaikhawm; Nk Khanno
Zingsol