US President Donald Trump leh Singapore Prime Minister Lee Hsien Loong te maikalsung in ki muhkhopna neiding uh cih Reuters pan kiza hi. Maikalsung in G20 Summit omding a, tuahunsung in President Trump leh PM Lee te akimuding uh ahihi ci’n Singapore’s Ministry of Foreign Affairs (MFA) inzong genkhia hi.
US President Trump leh Singapore PM Lee tepen Telephone sungah 02 December 2016 kumin khatvei, 30 April 2017 kumin khatvei, akigawm in Phone sungah nihvei kihokhin uhhi.
Ahi zongin khatlekhat maitang kituah “face-to-face” in kimuh hun cih omngei nailo a, maikalsung G20 Summit ah maitang kituah in aki muhcil nading uh ahihi.
G20 Summit pen maikalsung in Germany gamsung aom Hamburg khuapi ah July 07 leh 08 ninihsung kibawlding hi.
Singapore PM Lee tawh aki muhding banah US President Trump pen adang Asian Leaders tampi tawhzong ki muhkhopna atuamin neiding uhhi.
Tua aki muhpihding Asian Leaders tepen Chinese President Xi Jinping, Indonesian President Joko Widodo, South Korean President Moon Jae-in, Japanese Prime Minister Shinzo Abe cihte tawhzong kimuding hi ci’n US officials in genkhia hi.
Tua Asian Leaders tengbek thamlo US President pen Russian President Vladimir Putin, British Prime Minister Theresa May, German Chancellor Angela Merkel cihte tawhzong G20 Summit hunsung mahin ki muhkhopna neiding cihi.
Hih gamte pen US adingin athupi mahmah gamte ahi uhhi. Hih gamte tawh Economic Relationship, Military Relationship cihbang in kizopna atuamtuam omciattek ahih manin ki muhkhopding pen athupi mahmah vailianpi khat ahihi ci’n US National Economic Council Gary Cohn in Media Briefing ah genkhia hi.
Related: Singapore gammakaipipa Lee Kuan Yew (kum 91) in hong nusiata
Hih G20 Summit kibawlna ah mi tultampi takinzong lungphona neihsawm uh cih kiza hi. Tua ahih manin G20 Summit ki muhkhopna akibawlnading munteng ah a encikding in Police Officer akigawm in mi 20,000 leh uipil, sakol, helicopters cihbangte aki gingsa in omdimdiamding uhhi.
Tuabek thamlo G20 Summit kibawlnading munteng pen 7.8km asau in Steel Barriers tawh ki umcipding cih kiza hi. Sawltak #zomidaily
Comment piaknop aomleh...