Positive zawh ni 6 ni nasepna ~ Sia Do Khup

Positive zawh ni 6 ni nasepna ~ Sia Do Khup

MUALBEM LAMAH MAWTAW VAIKUAN LEULEU – Mualbem ah zong positive hon khat om ta ahih manin tuni July 8 ni-in zatui puakin Nurse-te paisak leuleu hihang. Cina 120 ading zatui kipuak hi.

CINA OMNA KHUATE THEIH DING

Covid 19 positive a om lam lak thei ding, a sitna-in tam man lua ahih manin cina khempeuh a kisit zawh kei leh phamawh lo hi. Khua khatah positive a om a, a dang cinate zong a nat zia a kibat nak leh cina omzah list hong khak le uh cin hong kidelh ding hi.

THEIHSIAM DING NGETNA

A piakhiate in nong nget uh hi hetlo napi-in ka lungdam luat manin FB ah kong post zel hi a, ahi zongin ka ci hong damlo ahih manin nasepna teng bek hong kisuaksak zo ta hi. Tua banah i mipihte vei lua, it lua, a sih ding uh phal hetlo ihih manin tampipi a pia pen 200 bang pha ta mawk ihih manin tua teng tangthu hong kaikhawm leng i nasep kisem man nawnlo phial ding hong hita hi. Huhna hong piate tungah kong khak kik uh, ciaptehna ah na piakna uh limtakin kiciamteh sitset a, file ah hoih takin kikem ahi, cih hong zasak ingh.

SI ZIHZIAH LEL DING MAW LEH?

Oxygen bung 4 leina Ks.940,000 hita lawmlawm, cina gim khatin ni khat mang lo ding hilai, hih dan tawh kua sum kua paai in cin mawk ding? Tua nangawn lei ding om pakpak lo lailai, cinat loh ding thupi pen hi ei guai. Na cinat ngeingei leh oxygen na kham a dik kha nawnlo ding himai. Sia Do Khup