Portugal gamah vanleng khat vandawn ah puakkham in kiasuk, mi 4 si
Portugal gam ii akhuapi Capital Lisbon panin agamlalo aom Supermarket tungkhat ah vanlengneu khat kia ahih manin mi 5 si cih Telegraph pan kiza hi. Portuguese Media te genkhiatna ah vanleng kiatna munpen Lisbon, Tires Town sung aom Supermarket gei ah vansuah in aom Lorry khat tungah akia ci uhhi.
Asi pen mi 5 hi uh a, tua tepen vanlenghawl Pilot khat, vanleng tungah atuang Passengers 3 leh vanleng in adensukkhak Lorry Driver khat ahihi. Asi lakah mi 3 pen French (Piancit) te hi uh a, adang khatpen Swiss gammi ahihi.
Hih akia vanleng pen Swiss-registered Plane khat ahihi. Portugal gam Cascais Municipal Aerodome panin France, Marseilles khua zuanding in alenkhiat khitzawh asawtlo in akia cihi.
Agei pan amukha Witnesses te genna ah vanlengneu pen vandawn ah puakkham in, tuakhit ciangin anuai ah akisuk cihi. Akiatsuk ciangin Lidl Supermarket tungah kiasuk in, agei aom Lorry Driver khat dengkha ahih manin ahawlpa in sihlawh citciat hi.
Tua Lorry mawtawpi pen Supermarket Car Park ah vansuahkhia in aom laitak hi a, tuatunglian ah vanleng kiacitciat ahih manin, mawtaw zong agei aomteng meikanggawp hi.
Vanleng tungah atuangpen vanleng ahawl Pilot khat leh Passengers 3 hi a, vandawn ah vanleng puakkham ahih manin, avek un asi ahihi. Vanleng akiatna ah asipen Lorry Driver pabek hiphot a, adang zong agei aom mi 3 liam cih kiza hi.
Vanleng akiatsukna ah innkhat zong meikang a, innsung ah inntek nu pen ata ngek khat akhutsung ah tawikawm in taikhiaman bilbel hi ci’n Portuguese TV te’n genkhia uhhi.
Portuguese President Marcelo Rebelo de Sousa zong amahngiat hih tuahsiatna munah vapai in, Firefighters leh Emergency Workers mi 50 bangin meiphelh in buaipih mahmah uh cih kiza hi.
More: Kum 2 aphapan atapa amahleh amah kikaplumkha ahih manin apa kiman
Sihding hun tungleh innsung, mawtaw sungah aom hithiat laitakzong vanlengkia khatpeuh in adengsuk citciat thei himawk ei. ZD Sawltak #zomidaily
Comment piaknop aomleh...