India gamsung ah kumpi nasem Government Minister khatin khuasung kongzinglak ah zun athak laitak Photo kizaihkha in, Social Media tungah ki thehzakpah hi.
India Prime Minister in agamsung ah siantho nading Public Hygiene ahanciam mahmah laitak in Minister khatin khuasung ah zun athakna Photo pen Social Media tungah ki thehzakmawk ahih manin, ciamnuih in kigen ziahziah cih AFP in genkhia hi.
Times of India te genkhiatna ah tuapa pen Agriculture Minister Radha Mohan Singh ci uh a, sanginn’ huang umna daipangteng zun apek laitak in ageipan Security Guards nihtak in Automatic Weapon thautawisa in ngaklenlan uh cihi.
Hih Indian Minister khatin khuasung kongzinglak ah zun athakna Photo pen Newspaper Front Page ah Headline in ki suaksakliang in “Union minister pees in open, sparks row” cih thulu kibulhsak hi.
Times of India te genkhiatna ah hih Photo pen India gamsung Bihar State sungah akizaih ci uhhi.
Hih Photo pen Social Media tuamtuam ah aki khahkhiat ciangin Indian Internet Users te’n Minister paleh ama makaih Bharatiya Janata Party (BJP) te ciamnuihbawl in, laituamtuam gelhpah ziahziah uh kici hi.
National Agriculture Minister inzong “Clean India Mission” ah panpihna apiak laitak hi ci’n thulu tuamtuam tawh lai kigelhkhia hi.
“Clean India” cihpen India Prime Minister Narendra Modi ii Program khat hi a, India gamsung ah khuasung mipi te’n cidamna, sianthona aom nading “Public Hygiene and Cleanliness” ci’n ahanciam mahmah laitak hi a, khuasung mipi te’n zunleh ek thaangthaklo in, Public Toilets te zatding cih ahihi.
India gamin Agricultural Minister dingin Radha Mohan Singh ihneihkhak pen kipak huai mahmah hi. Amah ngiatin singkungno leh gampa te tuipuak ngiat hi ci’n akhel koko zong om uhhi.
Media tuamtuam te’n hih Photo asuahkhiat sakpen Agricultural Minister Radha Mohan Singh ii meltheih tanau te hehmahmah uh cihi.
Zunsuak cihpen mihing ngeina hi. Banghang in hihbangpeuh mipi buaibuai nadingin pulakkhia ihhiam? Zunthak nading India gamsung munkhempeuh ah om ahiam? ci’n amakpa Sujit Kumar Singh in lungkimlo in The Hindu Newspaper te tungah genkhia kici hi.
Related: New Zealand Minister khat Malaysia ah Refugee lakding vaitawh zin ~ ZD
Ahi zongin Agricultural Minister Radha Mohan Singh ngiatin hih Photo vaitawh kisai in bangmah genkhiatna neilo cih kiza hi.
Minister te ii gamtat luhekzia aneng atawng in mipi te’n hong lunglut mahmah uh cih phawksakna hikhading hi 🙂 Sawltak #zomidaily
Comment piaknop aomleh...